背包客棧自助旅行論壇
[土耳其]籌備了半年,我們的11年土耳其異國風情之旅終於12/6出發。這次旅程令人異常期待,因自己是第一次衝出亞洲,而土耳其亦不是很多去過,出發...店多住兩天﹗ 由於當日房間有多,酒店免費協助我們UPGRADE至FAMILY ROOM,有個小露台可以看到海的呢﹗很美啊﹗待續....
首頁 論壇 攻略 機票比價 訂房比價 旅遊相簿 會員相簿 景點地圖 背包幫 搜尋 今日新文章 註冊 登入論壇
回覆   發表新主題
 
主題工具
smallsmalllin smallsmalllin 目前離線
客棧之光
文章: 603
#1
性別: 男生
感謝: 218次/62篇
註冊日期: 2009-01-16
舊 11年土耳其九天異國之旅遊記(第五天 熱氣球之旅) - 2011-06-27, 12:35

籌備了半年,我們的11年土耳其異國風情之旅終於12/6出發。

這次旅程令人異常期待,因自己是第一次衝出亞洲,而土耳其亦不是很多去過,出發前對行程還有不少未知之數,所以很緊張,怕有出錯,幸好最後一切順利,仲要玩得十分開心﹗



卻說香港飛到土耳其直航要十二小時,我們是貧窮戶,只有坐須轉機的卡塔爾航空,先坐10小時到多哈再轉機﹗



十小時飛機,有若上班一整天,卡塔爾航空服務不錯,飛機餐也很好吃﹗

但服務有多好也沒用,因夜機真的很辛苦﹗要屈住對腳十多小時,訓又訓得不好,真的精神崩潰,之前還想在飛機上飲多兩杯酒應該會訓得好,那知喝多了也是睡不到,眼光光等天光......失了預算﹗疲累啊﹗



最後累透到多哈,多哈轉機安檢都要等很久,更要除皮帶才可以過關,十分麻煩﹗

職員工作慢,排隊亂七八糟似的﹗

幸好轉機只要等一個多小時,飲杯coffee就可以再上機了﹗



再坐多四個小時就可以到伊斯坦堡了﹗

飛到土耳其整個人無論有多累也變得清醒﹗實在是太興奮﹗

土耳其時間慢香港五小時,所以當日我們凌晨在香港上機,坐十六七小時鐘到伊斯坦堡還是當地時間12:20PM,還有半日遊玩﹗YEAH﹗


原文載於: 背包客棧自助旅行論壇 https://www.backpackers.com.tw/forum/showthread.php?t=498292

酒店有機場接送,二十分鐘就到酒店﹗

我們是從網上遊記,揀選了舊城區的TASHKONAK HOTEL﹗

由於早兩個月預訂的關係,價錢75 EURO一晚,六月是土耳其的旺季,即日預訂100 EURO呢﹗早點訂酒店比較划算﹗



酒店很不錯,裝修簡單亦不失貴格,床十分舒適,睡得很好﹗

我們會先在這酒店住一天,之後再到BURSA再到卡柏多奇亞﹗最後再回酒店多住兩天﹗



由於當日房間有多,酒店免費協助我們UPGRADE至FAMILY ROOM,有個小露台可以看到海的呢﹗很美啊﹗

待續....

此篇文章於 2011-08-29 11:54 被 smallsmalllin 編輯。
被閱讀24946次
回覆時引用此篇文章
Aphro Aphro 目前離線
客棧之光
文章: 876
#2
性別: 女生
感謝: 815次/434篇
註冊日期: 2010-11-09
舊 回覆: 11年土耳其九天異國之旅遊記 - 2011-06-28, 02:35

才開版放上第一篇文就已經有許多心得及供參考的圖片,棧友有福了,期待您後續的精彩文章!
回覆時引用此篇文章
smallsmalllin smallsmalllin 目前離線
客棧之光
文章: 603
#3
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-06-28, 08:55

引用:
作者: Aphro (原文章)
才開版放上第一篇文就已經有許多心得及供參考的圖片,棧友有福了,期待您後續的精彩文章!
這次行程的順利完成,全仗你啊﹗

真感激你的一切協助啊﹗
回覆時引用此篇文章
smallsmalllin smallsmalllin 目前離線
客棧之光
文章: 603
#4
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-07-13, 11:33


沖個涼刷個牙就出發喇﹗

呢個酒店有樣好,就係行五分鐘就可以去到藍廟亦即是市中心,十分方便﹗

原文載於: 背包客棧自助旅行論壇 https://www.backpackers.com.tw/forum/showthread.php?p=3102495
先行一行酒店附迎的ARASTA BAZAAR先﹗

兩旁都係商店,應該是呃遊客的商店,無咩好睇,叫做了解下當地有咩好買﹗

之後我地唔睇地圖亂咁行,至在認識一下酒店附近的路﹗

舊城區其實盡大部份地方都係可以就係用腳行哂,根本無必要搭車,一路行一路睇仲可以見到好多新鮮事物添﹗

其實行來行去最想去兌錢,可惜就搵極都搵唔到,要來要行到地下宮殿出口對面一條街先可以有CHANGE OFFICE,梗係兌番0的洗費啦﹗當日1 EURO 兌 2.17 TL﹗

提提大家,地下宮殿的入口對面有坐西班牙特色的幾層高建築物,那兒是這裡的旅遊警局,入面0的POLICE好鬼NICE﹗

捉住你吹水不特止(佢話去邊到買野響佢個朵有特價﹗),仲要送埋成堆地圖俾你,份地圖超精確有用,比起你可以買到既旅遊書好用十倍,因佢有土國文字,你在街上問人方便好多﹗記住去攞呀﹗

我不是建議大家去搭這地上鐵,而係叫大家只要留意佢地上既軌道,跟住佢行,自然可以去到遊客們都必到的EMINONU碼頭﹗

我地出名悠閒,最憎就係趕景點,要趕我寧願唔去,梗係食野為先啦﹗

我地去左呢間在街邊的BARBECUE HOUSE﹗

土耳其雖只得3%是歐洲,不過食家話走在街上很有歐國風情,當地的人也很好,不用太擔心會被騙,只要小心多點自己的貴重財物,便可謂萬無一失﹗

唔洗講咁多,飲番杯先﹗土國的EFES啤飲,清純好喝,比青島更妙﹗普通的比黑啤更好﹗



點了個MIXED KEBAB,人人都話土耳其野食唔好食,其實都不是吧﹗

燒雞燒羊燒牛也做得不錯,烤得多汁醃得也好,也許是吃的款式比較少,常吃肉,所以大家也未會愛上吧﹗



貓來了﹗土耳其滿街是貓,食店更是常有貓兒,好心的話餵餵牠們吧﹗



吃完我們的第一餐後,我倆沿著地上鐵路軌走到碼頭﹗
原文載於: 背包客棧自助旅行論壇 https://www.backpackers.com.tw/forum/showthread.php?p=3102495

必要試的是開滿街的土其耳雪糕﹗

師傅知道你是遊客必然同你玩番幾十分鐘佢0的雪糕絕技,左飛右飛左拋右拋﹗



3TL 一杯,即$15左右吧﹗

很香很濃,雪糕是煙韌的有o趙口,不得不試,十分過癮,之後差不多每天我也吃一杯呢﹗



其實行二十分鐘左右已到EMINONU碼頭,唔洗搭車的﹗



我的網址: http://hk.myblog.yahoo.com/smallsmalllin
facebook齊齊飲飲食食: facebook.com/smallsmalllin
我的飲食微博: http://t.sina.com.cn/smallsmalllin
回覆時引用此篇文章
smallsmalllin smallsmalllin 目前離線
客棧之光
文章: 603
#5
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-07-13, 11:41


EMINONU碼頭必試的是什麼?有睇旅遊書的便知是這鯖魚包了﹗



現烤的鯖魚,配上大量蔬菜及洋蔥,惹味鮮濃﹗加點檸檬汁去腥﹗

我不愛吃魚也覺得好好食喎﹗



星期日雖然埃及(香料)市場不開,來到碼頭也可以行行這五分鐘路程景點﹗



到處都有香料及賣乾果的商店喎﹗

就在香料市場前面的耶尼清真寺﹗



每個清真寺門外都有洗手的地方,不少市民在這兒洗面洗手洗腳,由頭洗到尾成身濕哂﹗



裡面也挺宏偉的啊﹗



來到碼頭不得不走走卡拉達橋﹗



橋上數千百人在釣魚,講真不明佢地為咩要全日咁由朝釣到晚,唔通魚穫是賣給食店做魚包的?



這就是從警察處拿到的詳細舊城區地圖﹗



這張是新城區的,如果大家想要高清版的作旅行前準備,不坊在我的網誌留下email,我send給你方便你行新舊城區﹗(其他地方留email絕不回覆)



卡拉達橋頂就作行車,中間一層全是餐廳,全部向住海所以風光十分好﹗

我們在這兒試了第一杯的土其耳茶﹗味道有如紅茶,老實說一點是.....無甚特別﹗
原文載於: 背包客棧自助旅行論壇 https://www.backpackers.com.tw/forum/showthread.php?p=3102520

土國人興加糖飲用,講真甜的紅茶,味道很怪的,我就受不了﹗



土國六月日長夜短,這張相是攝於土國晚上八點半了﹗

走走當地最出名的藍廟﹗



是我走過最宏位的清真寺,不同凡響啊﹗

講真土其耳處處是清真寺,雖然每所都有少少不同之處,但其實大同小異,走多兩所,你會發現,沒有什麼分別﹗



由於昨晚睡得不好,所以還是早點回酒店休息,土耳其的啤酒不便宜啊﹗

一罐efes在士多買要3TL,即係香港$15,不過貴還貴,每天我也喝上半打以上,因實在太好喝,由朝飲到晚﹗正.......這就是我在土國的第一天行程了﹗
原文載於: 背包客棧自助旅行論壇 https://www.backpackers.com.tw/forum/showthread.php?p=3102520

我的網誌: http://hk.myblog.yahoo.com/smallsmalllin
facebook齊齊飲飲食食: facebook.com/smallsmalllin
我的飲食微博: http://t.sina.com.cn/smallsmalllin
回覆時引用此篇文章
smallsmalllin smallsmalllin 目前離線
客棧之光
文章: 603
#6
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-07-15, 12:14

土耳其有樣騎呢,就係每日會中央大大聲全國廣播禱文﹗

一日五次,最早5:00am,最夜11:00pm,好在我地一訓就昏迷,全無影響,如果醒訓的朋友就大鑊了﹗

是日行程,1.托卡比皇宮 2.坐船去bursa 3.轉巴士到Bursa 4.Bursa海鮮街晚飯



酒店包早餐,有新鮮整的omelette同炸腸腸食,好味!唔係處處都有蛋角食架﹗

呢度供應的Yogurt(正中心那PAT)很香很cream,唔知係咪羊奶做但一點也不羶!

至少我食到,應該唔係羊做呱?
原文載於: 背包客棧自助旅行論壇 https://www.backpackers.com.tw/forum/showthread.php?p=3108498



餐廳在酒店最高果層,好風光!

同我地個房既景一樣呢﹗



今天行程是托卡比皇宮,會經過聖蘇亞大教堂。

Istanbul勁多博物館同古蹟,我地不打算行哂...因為根本行唔哂﹗



之前我有講過警察地圖,跟住佢真係好易搵﹗見到呢個門牌就係喇﹗



10am已經好多遊客!全部都係外國人﹗



皇宮貓貓又肥又白!!



這個迪迪尼式的叫"祝福之門"!

親身睇係堅過樂園的好多,城門好厚架﹗好興奮呀,跑住入去...



兩個無票的人直衝入城門被人趕番出來!

原來售票處係城門右面的!記住買左飛先好入場呀﹗



20TL一個人,即係港幣$100入場費!
回覆時引用此篇文章
smallsmalllin smallsmalllin 目前離線
客棧之光
文章: 603
#7
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-07-16, 12:58



正宮外的歐亞式的建築,都幾有特色喎﹗



未入正宮前有金碧輝煌的皇陵



每個拱型天花都是藝術品,好老實,之前都睇過藍廟等,十個有九個其實都係差唔多﹗(也許我不懂欣賞藝術)



門外閃閃的外牆是真金架,記住帶刀仔刮佢落黎﹗



終於行到正宮!



展出的龍床同金光閃閃的地毯。

再行入去就是戲肉 (由於嚴禁拍照, 所以無相睇)。 排長龍入藏寶庫,入面有好多超巨型珠寶首飾,手工真係巧奪天工! 仲有多件幾千年歷史的蘇丹皇龍袍。
原文載於: 背包客棧自助旅行論壇 https://www.backpackers.com.tw/forum/showthread.php?p=3111315

由於這皇宮無被人侵略過, 而且鄂圖曼帝國真係好有錢, 藏寶量多,保養又一流,真係睇到嘩嘩聲架﹗十分值得睇!(本來$100睇個博物館覺得好貴,睇完珍寶之後就覺得值喇﹗)



正宮後面的風景,好風光﹗下面0的屋仔是室外咖啡座來的呀﹗

有時間一定飲番杯﹗可惜要趕行程﹗



蘇丹的庭院,個天幾藍﹗

最後行左兩個幾鐘,收工,返酒店攞行理再出發﹗



之後我地要暫時離開伊斯坦堡喇,因出發去Bursa,由於行程第七日又返來伊斯坦堡,所以在酒店寄存左0的唔用既用品﹗

由酒店座落的Sultanahmet (舊城區)搭的士到Yenkopi 碼頭,只需6TL,HK$ 30!



渡輪目的地是Yalova,15TL,即係HK$75/人頭,1:30pm有船呀﹗



候船室有餐廳,梗係食0的野先啦﹗

見到待應將客人吃剩的麵包餵給海鷗,對比香港要打雀射雀,土耳其人其實幾有愛心的﹗



一邊看海鷗, 一邊開餐。

估唔到呢度既漢堡包好好味,中間的咸乳酪個味道就怪怪的,唔係人人接受!

一個餐兩個人分,再加兩杯土耳奇茶! 合共7TL,HK$ 35!



船程約1小時,吹住海風,恰一恰就到!
回覆時引用此篇文章
smallsmalllin smallsmalllin 目前離線
客棧之光
文章: 603
#8
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-07-22, 11:17



下船時不幸地傍沱大雨, 唯有一個人睇行李, 一個人去找巴士!



呢度係無巴士站的,只有兩架旅遊巴停o係到,就在碼頭右面。

如果唔肯定你對住個司機叫BURSA BURSA,佢就會叫你上車的了,不用擔心﹗

如果唔夠客,就會車你去另一個地方轉車﹗(有如香港小巴啦)上左車後,車長會收錢(9TL,HK$45/人)。

由於本地人會先購票mark位, 所以我地這種臨時上車的人有機會坐o左人地個位,到時自己再調位就可以的了。



車程大概75分鐘,都幾鬼遠,越過幾個高山﹗去到的會係BURSA公車總站﹗

搭巴士就應該好平既,不過我地懶得研究,去左搭的士。嘩﹗ 原來都幾遠! 搭左成半個鐘,24TL,HK$120的士。

我地一路以為Bursa是人口稀疏的小鄉鎮,點知原來是一個汽車重鎮! 睇書又話咩Ottoman建築......仲衰過深圳﹗
原文載於: 背包客棧自助旅行論壇 https://www.backpackers.com.tw/forum/showthread.php?p=3127134

勁失望! 第一站是要check-in,係booking.com 訂了efehan 酒店 (65歐元一晚)。



張床細到嘔,又舊﹗間房有0的似台灣一樂園......(鬼屋是也...)



外貌更大鑊,牆係崩的,窗又好似裂開....

如果來Bursa建議大家住Kent Hotel, 只係貴二百港元,靚仔好多!



無野睇,住又住得衰,嬲嬲地﹗

出去行下先,酒店隔離就是市中心的噴水池,認住佢! 因為對面有Tourist Information,可以拎MAP!(又係0個句,要就在Blog留言啦)



經過呢個local 市集 (UZUN CARSI)...



就會到英女皇都探訪過的有頂市集(Kapali Carsi)!

名物係絲巾同毛巾﹗睇過價錢都幾平,平有平買啦,唔係去左第二度會後悔﹗

個人心得係見到鍾意既野,唔洗點格價,其實度度都係一蚊兩蚊,鍾意就買,唔係過左搵唔番一定會後悔﹗
回覆時引用此篇文章
smallsmalllin smallsmalllin 目前離線
客棧之光
文章: 603
#9
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-07-22, 11:18

有頂市集的中心庭院,有一個Local茶檔!勁有風味一定要試試﹗



試第一杯Turkish Coffee,濃到爆﹗又多渣!我估香港人唔會鍾意飲﹗右手面的是 Simit 芝麻包 ,脆脆的,好香口,天天吃也不厭!

大家緊記o係土耳奇埋單,千其不要講 "Check Please."

因為茶的土耳奇文是Clay,個音有點似check!! 我地自己奶左兩次野!

叫埋單,點知叫多兩杯茶! 可以說Finish. PAY! 佢地反而會明! (高級地方例外!)



土耳奇人愛食煙,好多女人都是煙民! 就我所見Bursa呢個地方,八成人都吸煙﹗

土耳奇不少女性都是傳統回教徒,會包頭! 就算不包頭,她們都好少著短裙、短褲,背心露心口反而無問題,入鄉隨俗,會玩得開心D!



一眼睇哂呢個地方一個亞洲人都無﹗很有歷奇的感覺!



回程再行市集,當地人對我們由頭到腳咁打量! 當我地係怪獸似的﹗我地一向愛成為焦點,當然樂此不疲﹗有小女孩要求同食家合照。

咁岩有當地電視台在拍旅遊特輯,仲捉住我地兩個做訪問添!!!!!!!!!!!!

為香港增光﹗


原文載於: 背包客棧自助旅行論壇 https://www.backpackers.com.tw/forum/showthread.php?p=3127139

Efehan 個電梯,回到六十年代! 仆街要自己開門的,工廠區都搵唔到咁舊既建設﹗

不過我想講Efehan的職員個個都好有耐性,教左我地點樣搵車去Goreme﹗就算自己唔識,都上網搵地點地方,呢個真係好抵讚﹗

本來我地初初到埗好憎呢間酒店,慢慢同職員相處後,第二日反而愛上左佢呢﹗



跟職員指示去搵巴士公司,出發無耐已經開始迷路!仆街了﹗

Bursa令我地改觀的其中一個原因係,只要你拿著地圖在街左望右望,當地人便會上前協助﹗當地人相當之有心亦友善﹗

先後有兩個BURSA朋友幫助,我地終於都找到........



這個三角形商場Zafer Plaza地標! 巴士公司Metro agent 就係對面!

地圖都以此物為市中心,見到記住認佢既方向呀﹗



終於都買到巴士票了! 放心哂! 不過我想講,Bursa去Goreme搭巴士要50TL,HK$250一個人,勁貴﹗如非必要都唔好咁行喇﹗
回覆時引用此篇文章
smallsmalllin smallsmalllin 目前離線
客棧之光
文章: 603
#10
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-07-22, 11:19

跟手諗住問個職員點去食飯的海鮮街,好心的土耳奇人又來了! 排我地後面的一家人,不單沒有覺得我地問長問短煩,仲主動要帶我們去!

唔係指路,而係親身行十分鐘,帶我地去到飯店,真係唔知點多謝佢地好﹗

只有說句,因你們友善待客,我地「愛上Bursa」了﹗



呢條街成街都係餐廳! 全部坐街邊最好FEEL!
原文載於: 背包客棧自助旅行論壇 https://www.backpackers.com.tw/forum/showthread.php?p=3127143



這店是網友好介紹: Arap Şükrü Sokağı 餐廳 (街名: Sakarya Cad. ),在Google會search到的﹗



土耳奇餐廳興成盤前菜,成盤隊哂俾你揀!



睇旅遊書已經好想試的當地特產美酒Raki,今日終於有緣試試﹗



45度的酒加冰水飲,會變成奶白色,味哽又白色,所以Raki又叫獅子奶!

味道濃烈,有陣陣薄荷香,小試無坊,多喝必醉﹗

呢個Salted Tuna 前菜中是最貴的了,15TL,HK$75,好好味!



另外叫左田園沙律﹗好田園﹗



土耳其的六月中,日長夜短,夜晚九點都未黑,街上去有樂師賣藝,奏出節奏明快的土耳其傳統音樂!

佢地勁落力都玩左起碼半個鐘,見到當地人打賞了20TL,HK$100給他們呢!

我地坐附近可以免費享受﹗正﹗我已經醉到跟住音樂在街上翩翩起舞﹗



燒魚都幾好食,有黃油火候又不錯!

食物都是次要,係RAKI、音樂同氣氛已令我地Natural High!



埋單送個靚靚果盤,埋單TL100 (HK$500)﹗

抵食又好玩,呢度氣氛真係好好,凡來Bursa,記住來呢條街試試﹗包你滿意﹗

其實呢晚醉了,要食家扶我返酒店,唔知發生咩事﹗

這就是我們土耳其的第二天....(待續)

(呢篇Day Two遊記係食家出手寫架,大家比0的支持啦﹗謝謝﹗)

食評集結: http://smallsmalllin.openrice.com/

facebook齊齊飲飲食食: facebook.com/smallsmalllin

我的飲食微博: http://t.sina.com.cn/smallsmalllin
回覆時引用此篇文章
smallsmalllin smallsmalllin 目前離線
客棧之光
文章: 603
#11
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-07-26, 11:55

進入第三天,今日其實無咩行程,諗住食完早餐去Tourist Information睇下有咩玩﹗

就在市中心噴水池旁呢﹗來Bursa的朋友記得一去﹗9:00am開門﹗



每天朝早都會食酒店的早餐。

呢間鬼酒店的餐廳又真係估佢唔到﹗環境很不錯,全白的布置舒服而清新。



餐廳望出去可以見到布爾薩是一個山城,風景都不錯架﹗

如果有時間既可以搭一個鐘頭巴士可以到郊外,冬天有得滑雪﹗我地梗係無咁多時間啦,都係在市區到處玩玩算了﹗



早餐沒有伊斯坦堡的多選擇,無熱食! 好在麵包十分新鮮﹗

要一提就係土耳其去邊到食飯都有,必有一大籃免費麵包供應,高級餐廳多是焗脆了的多士,沾上酸酸甜甜的乳酪幾好味架﹗ 所以唔洗叫咁多野食,重點一兩樣隊埋麵包已會飽了﹗



食飽飽,先去Information攞左張地圖﹗

再行下市中心的清真寺建築群! 唔駛特別搵,是旦入一間﹗

呢度0的清真寺絕大部份都開放的,可以望入去無咩人,不過只要跟番門口規矩,入去靜少少,無有怕﹗



呢間比較的骰,有種簡約的感覺﹗細細地反而幾過癮﹗

我地知Bursa是皮影戲發源地,見地圖有公仔指引,就膽粗粗問人睇下點去博物館喇﹗



講真完全唔識點樣去,好傍徨! 唯有向一位小妹妹求助。原來她自己都不太熟路,正路諗住再問其他人啦,點知佢好主動的幫我地問下其他途人,又打電話問朋友。
原文載於: 背包客棧自助旅行論壇 https://www.backpackers.com.tw/forum/showthread.php?p=3137256

最後她問完之索性帶我地去巴士站,原來搭巴士要去小食亭買票,無人帶真係鬼知咩﹗

又出路遇貴人,再一次證明布爾薩人的好客之道﹗



小恩人幫我地買埋票﹗真係感激說話千百句﹗點知佢仲係放心唔落,陪埋我地等十分鐘巴士!

她仲專登叫多一個朋友來,我地一齊傾計又合照,原來她是剛畢業的大學生,呢個大學生好有前途,將來必飛黃騰達。
原文載於: 背包客棧自助旅行論壇 https://www.backpackers.com.tw/forum/showthread.php?p=3137256

巴士到了,她仲交帶車長教我地落車,等我地可以安心上路



雖然天氣好熱,不過由於受到殷勤接待,心情總之充滿愉快﹗

過左幾個站,完全唔識英文既車長又示意我地坐前o的,方便照顧﹗



在市中心搭二十分鐘巴士左右就到了﹗

博物館就在巴士站對面﹗係咪好得意呢?



呢個博物館好多學校來參觀﹗幸好今日人影都唔多隻,我地可以周圍行周圍影﹗

展品充滿童真,岩哂我地兩個大細路﹗不過唔係講笑,真係整得好靚﹗

公仔既衫、配件、樣貌以至頭髮,都真係詡詡如生架﹗



有好多木偶睇﹗每個角色都有分明的性格架! 場館內有英文,唔識英文既我都好易睇得明,係咁易講講皮影戲的來由啦:

原來相傳當年有兩個建築工人好叻搞GAG,搞到成班工友掛住笑,拖慢了建清真寺的工程,蘇丹王火滾就下令斬撚o左佢兩個個頭!

後來有個臣子睇得出蘇丹王心生後悔,無人搞gag悶q死,於是整將呢兩個死人既特點化為皮影公仔來氹番皇帝........可歌可泣了吧﹗



呢兩個就係主角 - 搞笑工友,仲有我的倒影,呵呵﹗

一個醒一個蠢﹗



皮影戲有時會加入妖精角色,呢個有波波男與女,送俾大家﹗



今次可以清楚一點見到兩個主角﹗館的底層也會有LIVE 皮影戲表演的,我地夾唔岩時間睇SHOW,不過都睇到佢地rehersal﹗幾過癮架﹗

參觀完博物館,我地見頭先在巴士經過一個十分大的公園,綠草如茵似的,就去悠閒下﹗順便搵野食﹗
回覆時引用此篇文章
smallsmalllin smallsmalllin 目前離線
客棧之光
文章: 603
#12
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-07-26, 11:57



搭的士到公園入口,原來叫Kultur Park,睇地圖一定見到,我十萬個建議大家來行下,唔食飯都飲杯野﹗



公園旁邊係布爾薩球會主場,出發去土耳其前我都有睇呢度超級聯賽完左未,如果未就入場睇下波,可惜...............



當地人在噴水池踏水上單車,好寫意呀﹗



地圖中心綠色部份就是Kultur Park了!

呢張就係information俾我地的布爾薩地圖﹗一定比所有坊間書藉清楚及詳盡﹗有興趣去Bursa的朋友就在Blog留言啦﹗



由於太舒服,天氣好又有涼風送,唔覺唔覺在樹蔭下飲了四支大啤,醉醉地個店長無端端隊左碟薯條俾我地!唔通醉到斷左片叫左都唔知?明明唔想食野架﹗

呢0的戶外餐廳飲支啤酒大約$35港紙左右啦﹗
原文載於: 背包客棧自助旅行論壇 https://www.backpackers.com.tw/forum/showthread.php?p=3137260



呢個公園有好多型格餐廳,不過要飲酒就最好在門外先問問,不是間間都賣酒的﹗

九成露天,在樹蔭下進餐傾計真係人生一大樂事﹗

飲飽食醉都成兩點幾,打的返市中心再行下先﹗



係有頂市集的庭院食肆養了一竇兔仔。

見到小動物就令食家憶起大狗........



係呢度買野,舒服過係超多遊客的伊斯坦堡大市集很多!

至少人少0的,價錢亦都平0的﹗



有頂市集旁就是大清真寺。



成六百年歷史﹗唔係唔睇嘛?



入清真寺要除鞋,回教徒會洗乾淨對腳先入去﹗

不過太多觀光客不洗腳(包括我地自己) ! 搞到寺內充斥著腳臭味!!!!呢股濃郁的鹹魚味十分醒神!你唔會想留好耐,五分鐘內你必會想走﹗

女人就記得入寺前要包頭啊! 食家試過唔包,入場俾職員捉到鬧左一陣﹗



布爾薩民風淳樸,在這兒的清真寺可以見到回教徒的虔誠,這是在別的地方少有的﹗



寺中心有一個噴水池,是大清真寺的特色!



呢家人一齊唸經﹗

(待續...........................)
回覆時引用此篇文章
smallsmalllin smallsmalllin 目前離線
客棧之光
文章: 603
#13
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-08-06, 11:04



Bursa 除左多清真寺,仲係香港見慣旋轉肉柱式Kebab的發源地!

無理由唔試﹗試了這間Bursa Kebab,就在有頂大市集內﹗行行下會見到﹗



土耳奇人愛飲湯,這個是雞湯,味道酸酸的,醒胃﹗



原來Kebab係咁既樣,唔會好似香港咁包成一碌﹗

牛肉味濃郁﹗土耳奇人十分重口味! 醬汁是茄汁加辣味,幾惹味﹗不呢個餐唔平,成17TL,$75﹗



呢度有樣唔多好,就係去公廁要收錢﹗價錢由0.5TL至1TL不等,即係計起成$5一督尿﹗

我地兩個成日飲啤酒,屬於腎虧尿頻一族,一個鐘痾兩次成$10,痾到破產!



大宅(Balibey Inn)是當時第一棟三層建築,依家活化左做商場,

有書店、cafe和紋身攤檔。沿住大宅的背後行上山就會到下一個景點,古城牆。



波斯人、羅馬人都用過的護城牆,而家真係得番塊牆,影下相都幾得意既﹗
原文載於: 背包客棧自助旅行論壇 https://www.backpackers.com.tw/forum/showthread.php?p=3166953

過左呢度兩千年歷史的城門,向右去...



四處都是這種黃屋仔!

o拿o拿o拿呢0的就係otoman建築喇﹗來Bursa好多人都係為左睇佢﹗



山頂上有一個鐘樓



呢D大炮係仲用得架﹗過時過節就會鳴炮!

我地0係澳門睇得多啦,對呢0的炮無咩興趣﹗



山頂上有個cafe景觀極佳,大家可以坐下﹗Bursa 的建築仲密過香港呢﹗

而家仲有不少地方起近高樓大厦!



遊客區先有cappuccino 飲!

Tea完行番落山,之前都提過,土耳奇成8點先開始日落,時間好似好好洗咁!



落山時,從另一角度來看三層的Balibey Inn,又係可以來飲野的好地方﹗
回覆時引用此篇文章
smallsmalllin smallsmalllin 目前離線
客棧之光
文章: 603
#14
性別: 男生
感謝: 218次/62篇
註冊日期: 2009-01-16
舊 回覆: 11年土耳其九天異國之旅遊記 - 2011-08-06, 11:05

地點在尋日介紹過的三角形商場對面﹗



成身汗﹗唔想再行,當然是happy hour的好時候﹗

記得早餐時酒店的餐廳幾好坐,所以諗住返去坐。

原來餐廳上仲有露台,我地就係呢度寫遊記﹗



寫寫下遊記,食家瓜瓜嘈,原來有巨型彩虹出現呀﹗

天然而成既彩虹我地都係第一次見,呢個旅程真係好神奇!

本來我地對呢間酒店彈多過讚,不過由大堂熱心幫我地,到見到餐廳幾靚,再加上有呢個天台既酒廊及睇到彩虹,我地既怨氣慢慢由100減至0了﹗



行下行下,盪失路添﹗話之佢繼續行,最多唔識返酒店搭的士吧﹗

咁岩得咁橋就俾我地撞到呢間寵物店!



超級市場的又太大包,今次成功買到2 TL(HK$10) 一包仔!

土耳其既貓仔有福了!



盪盪下,來到一個街市! 見識到好多古怪的食材! 都不知是生果定係菜!

由於愛吃,我最鍾意行下街市,睇下有咩特別既食物,本來我地兩個打算參加土耳其既煮飯仔tour,不過格過價最平要成$500一個人玩半日,覺得太貴還是放棄了﹗



搵飯開,最後我地搵左間地踎既local場,坐櫈仔好過癮,就在我地酒店旁一分鐘路程﹗食物味道不比大餐廳差呢﹗



呢0的小店見有遊客出現都好奇怪,始終應是做當地人生意,對我地好禮貌,雖然完全唔識英文,不過用下身體語言都可以溝通到既﹗炭燒雞肉同羊肉!

香噴噴﹗即叫即燒架﹗



呢間地茂仲好食過LUNCH 那間Bursa Kebab!

雞肉串燒燒工一流! 皮脆肉嫩! 微辣的香料帶出雞的鮮味!

難得配菜都醃得好岩我地口味! 成碟一掃光!

由於店員不會英文,於是點菜時,食家唯有用美麗的肢體作溝通工具:

食家: Kebab! [之後用手在頭上扮牛角,想叫牛肉卡巴]

店員: Mooooooooooooooooo...moo...[點頭,好似明,發出一陣吼叫,唔知Moo咩撚野.....)

食家與店員: Yeah, yeah, yeah, yeah!

以為成功叫到牛啦,點知...



仆街,原來Mooooooooooooooooo既聲係羊聲﹗有冇見過羊架?

明明羊係叫 :「咩咩咩咩咩咩咩咩咩」,唔通土耳其羊「momo」叫?

羊我完全唔食,呢次食家笑了,成件食哂......(我估土國都叫錯左三幾次由牛變羊,食家話以後都唔再食羊﹗)



呢個貌似C朗的店員好搞野,就係話羊momo叫那位仁兄!條友服務就無乜,勝在笑容可掬﹗開可樂仲要搞到我一身都係!

埋單時佢請飲茶,又俾左一碟香口用的肉桂乾我地試下,放幾粒落茶到,又真係幾香!

臨走時佢又倒D野落我地隻手到,再示範拍下落塊面同頸到,

Woo... So Refreshing! 原來係花露水! 決定要買黎做紀念品!

呢餐埋單TL 15 (HK$85),又好食又好玩,仲平到笑添﹗介紹俾來布爾薩的朋友﹗



回酒店執行理,知道要離開這友善之城,未來仲要唔知有冇機會再來,我同食家都有少少唔捨得的

由酒店坐的士去Bursa Terminal,要TL26 (HK$130),其實由酒店出發,大可叫酒店幫你叫的士,我試過好幾次,完全無兜路既問題出現。
原文載於: 背包客棧自助旅行論壇 https://www.backpackers.com.tw/forum/showthread.php?p=3166958
原文載於: 背包客棧自助旅行論壇 https://www.backpackers.com.tw/forum/showthread.php?p=3166958

的士大佬唔識英文,只識德文! 沿途嘰哩咕嚕,唔知佢講咩,佢又當我地明喎,又講又講,都話布爾薩人真係友善架啦﹗指住D車廠叫我地睇,應該是Bursa的重要工業掛...

佢問我地攞車票睇,落車幫手拎行李,帶埋我地去正確的候車處,重要唔想收TIPS﹗



再見了人情味滿瀉的布爾薩﹗如第時再有機會去土耳其,會再來多住幾天的﹗



巴士十點左右準時開出,有電視睇,有headset、野飲同小食派發。



我強烈建議,如非必要,真係唔好搭夜巴,一來唔平得好多,二來真係無咩可能訓得著﹗土耳其人唔q洗訓,成晚開大個電視仔,搞到照住我地隻眼﹗

有條仆街仲要0係度成晚播音樂,開大喇叭,九成九係聾既,嘈q住哂﹔再加上每兩小時左右巴士就會駛入車站俾你痾尿同俾車長休息,又停又開廣播,訓左等如無訓。

我全程Tee加短褲,本來都無咩野,不過當一接近卡柏多奇亞後,晚上的氣溫由22度跌到13度,凍到我發哂茅,六月中都咁凍,大家記住帶外套呀﹗

呢12個鐘慘喇......眼光光,訓三個字醒一醒,落車痾尿又要收錢,痾左廿幾三十蚊......

這就是我們的土耳其第三天旅程了........................

(見上篇反應好食家再出手,呢篇Day Three遊記係食家出手寫架,大家再比0的支持啦﹗謝謝﹗)

食評集結: http://smallsmalllin.openrice.com/

facebook齊齊飲飲食食: facebook.com/smallsmalllin

我的飲食微博: http://t.sina.com.cn/smallsmalllin
回覆時引用此篇文章
chiwago566 chiwago566 目前離線 chiwago566 已通過手機驗證. 門號所屬國家:Taiwan
客棧之光
文章: 2,559
#15
性別: 秘密
感謝: 1,064次/633篇
註冊日期: 2007-07-23
舊 回覆: 11年土耳其九天異國之旅遊記 - 2011-08-10, 00:41

寫得很棒!加油嘍@!
回覆時引用此篇文章
回覆   發表新主題



主題分類清單
遊記行程交通住宿景點購物飲食
金錢證件其他全部
主題工具
論壇跳轉
主題工具