2021-12-19, 19:21
目的地: Australia 時間: 2022
隨著澳洲開放更容易既移民條件 ,有好多朋友包括我自己 ,都開始考慮澳洲既移民之路 ,又或者無諗到咁長遠既 ,只係諗住去澳洲搵幾年錢 ,用唔同既簽證 ,盡量留到幾耐就幾耐 ,起碼儲一筆積蓄再算 ,唔通澳洲真係特別好搵?
的確 ,澳洲物價水平會稍微比香港高 ,所以薪金水平亦會比香港高 ,現時澳洲既時薪工作大約$25-$26澳元每小時 ,澳元匯率由當年高位每澳元對8港元 ,到現時疫情低位每澳元對5.5港元 ,澳洲的時薪仍然比香港高一大截 ,一星期做5-6日 ,每日做8-10個鐘 ,人工真係唔好話唔吸引 ,每兩三個月安排個小旅行 ,遊晒澳洲7大洲 ,work life又要balance ,又要儲到錢 ,盡情體驗外國式生活
我將會係2022年2-4月左右出發 ,第一站昆士蘭 ,去得澳洲 ,我一定會體驗農場工作 ,外國既農場環境 ,一望無際既風境 ,同香港截然不同既天氣 ,最岩我作為冒險既第一站 ,如果有人同我有同樣既諗法/意願 ,希望可以同你討論下 ,想搵到值得信任既旅伴 ,開始一段畢生難忘既旅程
1
