發文 註冊 登入
遊記

北京野長城.古北口至金山嶺段

21 10 9620
jaff_jaff
#1
舊 2013-10-02, 16:30
六日北京長城遊。出發了~ (天壇 & 景山公園) - 2011年8月31日晚機去

其實尼一個係回憶系列, 由於我唔想自己無左個回憶, 唯有係度打番咁上下字嚟幫忙第時老左O既我回想當天英勇 (I mean我自己認為) o既遊歷~

當日由於係晚機關係, 所以都無請假之下, 一放工就打的飛入機場, 展開我的北京長城六天之旅啦~~~

Day1
點解要選夜機係因為我唔想請多日假之餘 亦都查過每個月的1號都會有軍人在天安門操練 跟住會舉行升旗儀式, 所以就選擇放工後出發啦~
坐左三個幾鐘機.. 去到青旅舍放底行李... 抖左2-3個鐘後, 凌晨4點半到... 出發到天安門了~
我去到其實已經人唔少... 我基本上係要"吉高"個人先睇到... 係清晨風中... 等等等...

等左半個鐘到,約六點未到個天都就嚟光齊, D 軍人出來了... Eeeee... 原來係咁咋....

就係咁睇完操兵 & 升旗, 又返去瞓番覺先囉, 有被騙的感覺@@"

Day 2
瞓到下午咁上下, 又出發去景點呀, 諗住行故宮O既, 但因為太累成晚無瞓, 所以去左較為短程O既 北京天壇 啦~~~
原來睇番地圖都唔少野... 但真係好值得去, 天公造美, 相影出嚟同實物一樣咁靚, 果然係皇室用品, 必屬佳品

行左大約2個幾鐘後, 真係腳都有D 跛... 坐下地鐵先~ 亦都係是次旅程四大交通工具之一: 地鐵, 仲有離不開的 公巴, 面包車 & 11號積夫自己對腳(crying) (無計因為慳錢關係嘛...)

車廂內其實同香港的差不多, 但路線呢, 就好似廣州呀上海呀咁多條... 要睇清楚先得ka(batting eyelashes)

跟住就周圍行下... 感受下北京城市之味

跟住遊到咁上下時間, 去我想去的另一景點: 景山公園, 這裡可飽覽全個紫禁城, 係我重點推介的地方, 仲有美麗的日落呢~~~

隨便吃過晚飯, 跟住補充點乾糧就出發是次旅行的重頭戲: 野長城。古北口至金山嶺段啦!!!

Z..Z.ZZzz.z.....z......
感謝 8
9620 次查看
jaff_jaff
#2
舊 2013-10-02, 16:50
這趟北京之行, 最期待的就是長城這部份, 因為選擇了冷門的一段: 古北口 --> 金山嶺.
雖然去不了想到的司馬台 (因為維修中), 但在古北口這段已經足夠令我品嚐原汁原味的野.長城了~ 在長城上看著日落、日出, 相信這次比過往的, 都來得特別!!

沒有想過行過十多小時的長城, 中間一半時間以上也是沒有其他人的, 像是與世隔絕, 卻一點也不覺得荒涼, 反之可以好好的感受一下長城之偉, 由其遇上意外時, 生命真的來得很渺小…
世界之大.唯長城之最.無可代替!!

PS: 相片原全沒有經任何的修改, 務求讓你們看到.我看到的!!

晨咁早 就出左去東直門汔車站 坐 980 路公車 到密雲汔車站, 班次都好密呀, 約30mins 就開一班啦~ 上車前 係車站旁買左個大燒餅食~ 尼個$5咋... 好大個好好味~

坐左大約個半鐘到啦, 就去到另一個車站, 諗住轉以下相寫住o既25路公車啦... 但等左好耐... 好耐... 其他車都係咁嚟, 唯獨尼架... 影都無....

最後我係用我最原始O既方法... 叫車.... (batting eyelashes) 靚女呀... 麻煩停車啦~~~ (心諗唔好直車埋嚟even 我唔係靚女...
原文載於: 背包客棧自助旅行論壇 https://www.backpackers.com.tw/forum/showthread.php?t=1026147#post5840954

每人比左$10 坐左30mins 就到古北口鎮啦~ 其實尼30mins 真係好難頂, 我無諗過一架平時我地坐5-6個人o既面包車, 未連司機迫左10個人囉... 中間勁驚佢反車...(nail biting)
到左鎮上已經約12點啦, 係時候補給一下個胃啦... 尼度食野無得選擇, 飯店都係得尼一間, 餸更加唔洗影, 因為無咩食 & 賣相唔好 & 超味精...

食飽抖夠 就開始出發啦~ 正是 1:30pm 到~ 係Google map 的引領下... 似乎揾啱路啦~ 咁就行行行啦...

係行左成個鐘都仲係村鎮入面... 揾唔到上長城口O既我地, 開始問村民... 我地被老點了

係上山坡上, 被老點O既村民指左上去另一個山.. 長城我係見到, 但係另一個山頭囉...

經過一輪自我揾路後, 係飯後3個鐘, 終於見到了........... 長城呀!!!! 見到嘛~ 係其中一個爛左O既峰火台~~~ 古北口野長城, 正在眼前!!!~~~ 勁有成功感!!!

係尼度我又要做我O既招牌動作啦~~~ 就算幾流左幾多汗, 身體又累到幾廿斤重咁, 我都真係開心到彈起~~~

比個叻自己先~~~


行下行下... 其實天都開始暗, 近乎日落了~ 影番張型女相先~~ 超鐘意尼張相, 難得嚟到尼個人煙少有的地方, 係要Chok下先得~~~ HAHAHAE


連綿不絕的山群, 古北口前一段應該叫做臥虎山長城, 而下一段 係 金山嶺長城, 但係金山嶺 之前北京政府都係無咩修葺過的長城段, 另外仲有我之前想去的司馬台長城段 同 箭扣長城段, 都係因為前者維修 & 後者太險要而無去到~ 我係Youtube 睇過有人上司馬台上 行"天梯", 真係睇片都覺得驚, 佢仲要一路拍一路行, 真係大風D 都吹走個人... So 咁啱佢維修, 就放棄左啦~ 家下佢維修中, 可能係太多人係個度跌死關係啩...


條路真係好爛...

我同古北口長城嚟個全景先GOOD TAKE!!


行左又2-3個鐘, 又到日落, 係時候揾個地方留宿啦, 咁重帶D 營具過, 揾番個靚敵樓扎營先~~
日間行山O既時候 真係好熱, 我估有三十度以上, 但 到日落後... 涼風開始入侵... 氣温估計得番十多度... 下圖是當晚扎營之地, 影番張先~~

在外露營加上行大段路程, 所以要帶備足夠乾量 及食水, 但老實講, 我覺得尼2日除左水之外... 我真係無咩胃口食野落肚, 唔係個肚打鼓, 我都唔太想食野... So 尼2日加埋o既運動量 & 食量,我估我at least 輕左... 4-5lbs...

待續~~~
此篇文章於 2013-10-08 09:35 被 小眼睛先生 編輯。
感謝 5
jaff_jaff
#3
舊 2013-10-02, 17:19
之前一晚其實超大風 又冷, 估計得8-10度到... 所以希望快D 天光就好啦...
等呀等... 約5點半到... 終於等到日出了~~~
你好嘛站在長城上看日出的我
咸旦光O既日出, 真係好靚... 好靚~~~

天就光齊了~~ 日出下的長城, 就是這樣了~~ 行左2-3個鐘, 陽光開始猛烈啦~

行行下... "軍事重地"?? 唯有行另一條路啦, 其實唔知行邊度... 因為無又路牌, 靠D 絲帶呀, 地下留下O既字句... 嚟撞番條路出嚟... 真係好探險Feel

哈哈... 應該之前都有好多人嚟露營過, 所以有尼個牌啦~ 但我已經做完先見到, SO 唔算犯規啦HEHEHEHE
一路行係粟米田堆行, 我以為自己會係外國先見到, 係國內都有幸見識, 真係誤打誤撞... 各位到現時為止, 仲係一個人都見唔到...究竟係咪盪失路呢... 已經近11-12點... 沿路跟住前人留下O既指示... 行落去... 行落去... 行番上去... 尼D好明顯唔係"路"嚟la.... 斜到人都驚

唔知行左去邊之下, 又好好撞見番長城牆下, 睇下沿路 點八爬番上去先...

幾經辛苦... 揾到條路八爬番上去... 唔得啦, 我要除鞋抖抖啦... 對鞋 同我都超累了~~

相信開始接受金山嶺長城段啦, 中間要再上上落落, 經過尼D 我最憎O既超高樓梯... 唔係講笑, 每行一級, 我都要抖一級咁滯

真係擺命............ * 100,000,000!!!

行左我估個幾鐘... 終於到達另一段長城 - 金山嶺 長城~
終於見番人了... 因為要收門票錢 哈哈~~~

已經到左中午時分... 已經接近野長城尾段, 可以輕鬆放下所有野 去享受 這頓輕便午餐...

進入金山嶺段 已經不再算野長城啦, 你地睇下經過修葺後的長城, 幾整齊~~~ 但就不能感受當時古代 峰火連連 時的長城面貌了

原文載於: 背包客棧自助旅行論壇 https://www.backpackers.com.tw/forum/showthread.php?t=1026147#post5841067

經過相下面所拍的 - 小金山樓後, 就沿住索道 回去...拼車>公車>北京市~
就這樣, 我的2日1夜北京 野長城篇, 就在2011年9月4日 下午3時許, 完結了~

如果日後有機會去, 大家都要去一去長城, 做番個好漢先得呀~ 我已經做到了YEAH!!!
上傳的縮圖
 

 

 

此篇文章於 2013-10-08 09:36 被 小眼睛先生 編輯。
感謝 4
帕格 帕格 已通過手機驗證. 門號所屬國家:Taiwan
#4
舊 2013-10-07, 22:45
你拍攝的很美..很壯觀...

那股悠遠.蒼涼中又詼諧有趣!!
感謝 1
喝奶昔 喝奶昔 已通過手機驗證. 門號所屬國家:Taiwan
#5
舊 2013-10-08, 03:41
妳好屌!還待了長城一整晚!@ @
所以是睡在長城上!!那張露營照?!
敬佩!
感謝 1
旮旯
#6
舊 2013-10-08, 12:20
城美景美人亦美,祇是閱讀起來略困難.........
感謝 1
who am I
#7
舊 2013-10-08, 13:11
有同感.
不過還是敬佩版主的挑戰精神.

感謝分享
感謝 1
jaff_jaff
#8
舊 2014-05-29, 11:32
引用:
作者: 旮旯 (原文章)
城美景美人亦美,祇是閱讀起來略困難.........
想問有什麼困難啊?
jaff_jaff
#9
舊 2014-05-29, 11:46
引用:
作者: 喝奶昔 (原文章)
妳好屌!還待了長城一整晚!@ @
所以是睡在長城上!!那張露營照?!
敬佩!
因為長城真係好長, 要行上整整一段, 一日時間一定唔夠, 所以要型一營啦 哈哈~~
補番張相比你看啦, 有圖有真相
geaaai
#10
舊 2014-06-25, 16:41
引用:
作者: jaff_jaff (原文章)
想問有什麼困難啊?
用了很多的廣東話口語,為了讓所有人都能分享,最好用規範的書面語
jaff_jaff
#11
舊 2014-06-26, 13:55
引用:
作者: geaaai (原文章)
用了很多的廣東話口語,為了讓所有人都能分享,最好用規範的書面語
明白了... 會多注意


你可能感興趣