背包客棧自助旅行論壇
[日本綜合]話說小弟見大學SEM BREAK有成一個月咁多,就得閒打算起1月頭去日本HEA 下同買野。 今次係我第六次去日本,第二次得自己一個去...下D既地區就無睇錯 無50GB DOWN AV都得啦遊客卡黎講快到傻 但記住你要CHECK清楚你部手機有無BANK19唔係可能收唔到。
訂房比價
aaq1234
背包客
#1
文章: 13
性別: 男生
感謝: 0次/0篇
註冊日期: 2015-07-27
舊 山陽關西廣島十日 粵語遊記 [多圖] [慢慢翻譯成書面語中] - 2019-02-13, 00:42
話說小弟見大學SEM BREAK有成一個月咁多,
就得閒打算起1月頭去日本HEA 下同買野。
今次係我第六次去日本,第二次得自己一個去。
東京係多野買,但個人覺得好Q悶,所以都係選去關西果邊。
本身買機票PLAN果時諗住去名古屋、白川鄉、北陸,
不過可惜冬天果邊可能太涷,又太鄉下,
利申先 本人完全唔識日文,英文都係半桶水,怕出突發事怕自己一個去會PK
所以淆底,都係等下次搵埋FD先去。

所以就轉左去廣島果邊 最後返大阪買野
但買乜就唔同大家講啦 ,都係主要貼返D景點。
行程:
Day 1 HX618下午到大阪>京都(京都塔,地下街)
Day 2 貴船>下鴨>伏見
Day 3 宇治>奈良(平城宮,東大寺)
Day 4 白髭神社>彥根
Day 5 新幹線>岩國(岩國城,錦帶橋)>住廣島
Day 6 一朝早去原爆打個卡同食個早餐>宮島(大鳥居)(CHECK過潮退4點左右)
Day 7 一朝早HELLO KITTY新幹線>尾道(千光寺)>吳 (最後有D事柒左變左去博多)
Day 8 早上岡山(後樂園,岡山城)>下午児島(鷲羽山)
Day 9 基佬城>舞子(明石海峽大橋)>神戶(港塔)
Day 10 大阪(HARUKAS 300,鳩鳴)>HX637返香港

今次用既PASS係山陽&山陰地區鐵路周遊券(Sanyo-San'in Area pass)
可能你會問我基本上無入山陰同山口地區,點解唔買廣島PASS就算
原文載於: 背包客棧自助旅行論壇 https://www.backpackers.com.tw/forum/showthread.php?t=10238793
因為佢同廣島PASS既最大分別係,佢係可以劃位,但只係貴5000yen 但同時多2樣。
大家都知啦,山陽新幹線最快果架係Nozomi,但係好可惜得3卡係自由席,
如果你撞正返工收工時間,無指定席,你就搵位企啦,特別係1月頭日本放完假,D社畜開始返工既日子
所以識買一定買山陽山陰PASS
 

今次用既上網卡係3HK 10Days 漫遊卡。起鴨記買130蚊一張



用後評價係 好屈機 50gb 用量10日 起市區係勁LUN快。
入隧道都多數收到,當然鄉下D既地區就



無睇錯 無50GB DOWN AV都得啦




遊客卡黎講快到傻 但記住你要CHECK清楚你部手機有無BANK19
唔係可能收唔到。
上傳的縮圖
 

 

 

 

 

 

 

 

 

 

 

 

此篇文章於 2019-02-13 23:25 被 aaq1234 編輯。
1689 次查看
aaq1234
背包客
#2
文章: 13
性別: 男生
感謝: 0次/0篇
註冊日期: 2015-07-27
舊 回覆: 山陽關西廣島十日 粵語遊記 [多圖] - 2019-02-13, 00:44
---Day 1---
作為窮學生,就緊係坐大種乞兒香港航空啦,二千幾蚊包20KG行李 抵到爆啦
最緊要唔會好似CX咁,去程回程相差超過7日就貴左一截。UO廉航就唔坐啦


去幾日用個24吋算。雖然都好重下。冬天帶好多衫(雖然最後都無著過)


一朝早去排隊都幾多人下。等左成十分鐘。




入機場食個美心狗飯,順便清清D CASH DOLLAR,
但真心幾難食下,但要成四十幾蚊。

可能最後一次坐 因巨額債劵即將到期而一度被傳即將倒閉既航空。




本身諗住上機先飲水,點知都係頂唔順口乾,順便睇下飛機。
買左杯太平洋咖啡。同市區一樣咁貴 差唔多味,無分別。

上到機,一如以往,香港出發既第一班機去KIX多數都係會好準時咁起飛。


HX之前食開經濟倉既都多數幾好食,但今次E個豬肉唔知乜汁飯真係好難食
勁咸,食左2啖就無食了,好彩仲有個豆腐花。
最緊要係有水飲,飛緊真係好Q口乾。

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885516

大家好,我就係星星頭
架機好似開曬TURBO咁,行超過1000 km per hour
最勁見過1100 km per hour

就係咁,超速咁早到左 半粒鐘以上到左關西國際機場(KIX)


去坐無人車去T1過關,好多人話自己一個人入關會比人周,
ME就緊係無事啦 ,個海關問都無問就過左


一出禁區 就見個任豚GAME廣告



雖然買左張prepaid sim card,但拎多張免費卡備用先(比我第2部手機)。
DOWN個APP起去日本前2日申請就拎到
好近出境口,影下QR CODE就拎到 。
有15日500MB,實夠你GOOGLE MAP用。




之後去JR GREEN WINDOW拎JR PASS 同買張ICOCA+HARUKA折扣劵
張ONE PASS好Q靚 但下次草埋張HELLO KITTY先
用多1630yen 買指定席坐好過ONXX企
岩岩幾堆遊客都落左機,其實自由席都幾Q多人,但指定席無人




坐左差唔多粒鐘坐到屎眼痛終於到京都
HARUKA 個PAT PAT位都幾撚硬下

關西大站係唔同D,幾靚,
可能已經傍晚,都唔算多人。


一出京都車站緊係影返張京都塔先啦,
E座野日頭唔靚,成個鮑魚刷咁。
但夜晚其實幾靚下,起京都一堆矮樓入面,最"突出"既一座野。


返酒店CHECK IN 放低D野先。
今次頭3日係住APA villa hotel kyoto-ekimae。
APA黎講算OK啦 個SIZE,平均都係350蚊港紙一晚左右。


放低D野之後,
起KYOTO STATION INFO DECK未摺之前狗衝去拎毛巾仔先,
用ONE PASS免費送,
一開波去錯 京都市觀光接內所
好彩班職員都好熱心教我 點搵車站果個詢問處。
------------------------------------------------
黎京都緊係要上京都塔啦,雖然好耐之前上過一次,
但今次得閒就緊係上多次,又唔係貴。


SHOW張 ONE PASS可以有DISCOUNT 70yen




上去影幾張相,HEA左十幾分鐘就落返黎
京都無乜高樓,無乜野睇,最靚已經係京都大站。


唔知乜野黎。


跟鬼佬點知變左行落京都塔,雖然最後都係要撘LIFT

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885516

去地下街搵野食,點知好多鋪都準備收工。
咁唯有上京都車站上面搵野食。




好靚。睇左十幾分鐘。




最後搵左E間食蛋包飯既鋪頭食,但其實幾難食
又辣,又貴,份量又少,又唔特別。
食完,去便利店買D水返酒店就訓了。


補多張京都塔。

補埋京都站既樓梯
---Day 1 完---
此篇文章於 2019-02-13 02:32 被 aaq1234 編輯。
aaq1234
背包客
#3
文章: 13
性別: 男生
感謝: 0次/0篇
註冊日期: 2015-07-27
舊 回覆: 山陽關西廣島十日 粵語遊記 [多圖] - 2019-02-13, 00:46
--- Day 2 ---
第二日一朝早去京都坐車去貴船/鞍馬先






我坐既方法係:
京都駅>東福寺 (JR奈良線 各停城陽)
東福寺>出柳町 (京阪電車 京阪本線 各停出柳町)
出柳町>鞍馬 (叡山電鐵 鞍馬線 各停鞍馬)
都要太約用左成粒鐘。


影張叡山電鐵先!


隻天狗霸左車站停車場一個車位。






黎到鞍馬寺了,再用星星頭方法。
上山就要比登山費,好似300yen。

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885517



上山都幾辛苦 仲要行行下有雪,好Q涷


上山第一件事搵個火取下暖先








終於到山頂,山景-無感想
但估唔到都幾多人下,可能新年。




拎左杯黎飲,都係唔太知乜野黎,白色一粒粒既唔知係唔係飯。
甜甜地有D薑味,暖身一流,順便坐低休息陣。


鞍馬寺個參拜方法好特別,D人係要企起個"八掛陣"個中心拜神,
D人都好守紀律,唔會阻住人,一個個行入個圈中心到。




頭先行上山太辛苦,落山都係坐纜車就算
單程200yen,好快落到山 唔洗5分鐘。班次好似每15分鐘一班。


你以為E個係觀光案內所/休息既地方,錯
其實係纜車站
之後就落返車站,下一程去貴船。
一去車站打張卡,好鬼好彩,就即刻有車,
如果MISS一班車就要ONXX咁等15分鐘。
坐兩分鐘都唔洗就到貴船口站。


出左車站,就緊係坐巴士上山啦,有鞍馬山既經驗
都算排頭位。


貴船我就唔建議行上山,
因為車路行都幾危險,加上冬天既話。
留返D力水行其他景點好過啦 又唔係貴(160yen)。
因為坐車都坐左5分鐘,幾遠下。






上去果時幾靚,但神社就無乜特別。
難得上左山,無理由睇2眼就走掛,
我見山上面仲有個貴船神社-奧宮,
雖然好鬼支力,但唯有頂硬上,上山就上山。


無水既川




上山沿途都叫有條河仔睇下。個景幾靚。
但我全程都係望緊前面有條靚囡(無圖)




到左貴船神社-奧宮
無乜特別,但都休息下先,話曬都行左十五分鐘


行落山果時落雪,攪到地下勁滑,特別係立清路
差D攪到我"X街",比後面個師奶笑




落山,繼續坐巴士,好多日本仔死要面,落雨落雪都唔用遮
下一站 出柳町,去下鴨神社玩。但食個中午先。










肚餓,順便食個中午先,車站得快餐,唯有食佢啦 。
印象中個包好貴成千yen,但幾好食,
雖然都係香港金拱門蘑菇安格斯好食D。
D波一舊舊好似麥樂雞,幾好食。
日本D 咖啡幾苦,但我怕起痰我都係唔會落糖,但係好飲既



原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885517

今次就真係到下鴨神社啦。
因為新年係勁勁勁多人。但靚囡幾少下,果然係京都。


新年有市集行下,但D野食好貴,都係不了。




照舊起火取下暖先,果日得果3度








入面就同一般神社無分別,但照舊買D紀念品到此一遊
聽講E個神社最出面係秋天睇紅葉,但可惜啦


唯有行返車站,順便劣影一張鴨川先。
玩完下鴨都係2點幾,有時間就緊係落伏見玩啦


坐15分鐘車到左京阪伏見稻荷車站






歡迎黎到伏見稻荷大社,
都係超超多人,所以條街勁多黑警定食焦。
停一停你都會比人撞開,或者比黑警XX你 。


參拜果到多人到,我就係緊係唔入去啦 。




龜速行左十幾分鐘,終於黎到千本鳥居,
聽講你有錢就可以起個鳥居仔,如果我中左六合彩就起六個,
本黎諗住上山,多人到不了,打個卡就算。


有市集就,食條燒火腿 HEA下先。
500yen 不過幾大份,當下午茶唔錯
玩完伏見,時間去到傍晚時份,我就上四條 行下街先。


Shopping就唔多講啦,行左兩粒鐘都有




錦天滿宮打個卡仔先。起市區,繁華街入面既神社。
行完就去搵野食了。




焼肉 やる気 四條河原町店


歡迎一個至N咁多個人,但好撚多台灣佬 ,
但佢地真係夠薑點兩件肉成家人分就算 去旅行洗唔洗咁窮
係個醃牛舌幾好食,其他用就麻麻。


點左3樣野,加2杯野飲,食左4千5 YEN左右 。
對面黎左10個左右香港人,應該2-3個家庭,
但佢地要求每條友分開單,但個店員聽唔明。
其實都幾柒,我估佢地親戚黎,之後比返錢唔得既,咁小家 。


因為帶唔夠上身既衫,所以第2日就要洗衫
因為酒店無洗衣所以行到勁老遠搵洗衣鋪。
洗衫300yen (36分鐘)加100yen (8分鐘),其實要20 mins左右先會乾,
但我乾一次,返酒店曬乾算
睇住TBB愛回家等洗衫,但間鋪好乾,攪到好想買野飲。



返酒店前,因為今日食太多肉,怕便秘,
去7-11買D菜返去食下算。
--- Day 2 完 ---
aaq1234
背包客
#4
文章: 13
性別: 男生
感謝: 0次/0篇
註冊日期: 2015-07-27
舊 回覆: 山陽關西廣島十日 粵語遊記 [多圖] - 2019-02-13, 00:48
--- Day 3 ---
***更正返先,原來我E日係去左宇治同奈良***




照舊一朝早就起身,買支水就坐車去宇治,
京都去宇治好快,奈良線又多車,十幾分鐘,9點就到宇治。


第一站就去平等院先,
但沿途行經宇治橋就影兩張相先。




條橋好似同源氐物語有D關係,但我無睇過就唔知啦
不過夢浮橋即係邊條??




行多五分鐘左右就到平等院。盛惠600yen入場費
果然起京都周邊玩,去到邊都要錢 。




e個就係平等園凰堂啦。係靚既。
日式既亭園入面算係最靚果幾個。
比多幾百YEN有導賞團入去參觀,但我唔識日文就算。
係湖邊影下相算 。
起園入面,仲有一個叫鳳翔館既博物館。
比你買下手信,睇下鳳凰堂既歷史咁啦,都行到一陣既。
下一站 宇治神社同宇治上神社
過去河既另一邊,由平等園大約行20分鐘左右就會到。
之後我先發現原來有另一條橋可以直接過對面岸,淨係用幾分鐘。
攪到我ONXX行返去宇治橋過去添。




宇治神社,無乜特別,普通小神社。
原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885520


起日本,好多學校企業都會起神社奉納御神燈黎求來年順順利利。




行到五分鐘左右就到宇治上神社。


同宇治神社既分別就係,大座D,好似新淨D。
---
因為唔知做乜野突然間肚痛,所以狗沖 返車站開大。


行過宇治橋果段有班鐵膠起到影相,所以我都跟佢地影返張先。





順便買D綠茶羊羹返香港食下先。
起宇治玩到十一點左右,是咁的就坐車去起奈良市西面既平城宮遺蹟。
都算係一個冷門少少既景點,因為我之前都去過奈良,
咁緊係去D我未去過既地方啦。




跟GOOGLE MAP坐左50分鐘就到近鐵大和西大寺車站,
我見到有一邊出口其實幾繁華,有D城市氣息,
但無乜時間就無時間行下啦。


行過去平城宮跡都幾遠下,都差唔多要20分鐘,
咁唯有順便影下火車啦,近鐵D車係幾靚仔既。


平城宮跡分別有兩個打卡位,第一個就係上圖既第一次大極殿,
幾靚 ,但好似係2010年重建既。
果日天氣都好好,暖暖地幾舒服。
有個清潔阿伯幾好人,見我自己起到影相,幫我影左張相(但就唔貼了)。


其實平城宮跡係一個公園,考古遺蹟,乜野都無。
比D人放下紙鳶,玩下飛盤,棒球既地方。




第二個打卡位就係朱雀門跡,起1998年重建既。


E個入面無乜野睇,特別唔識日文。
但涼下暖氣用都得 。
---
用左一個鐘左右就行完平城宮跡,中午時分,又係時間搵野食。
我就緊係唔會咁ON9行返去大和西大寺再落奈良啦,
所以我就準備去新大宮車站(近鐵既),
沿路就去左間平民家庭餐廳買野食。


佢既點法係 起吧檯自己簡送,之後會有阿姐幫你計錢。
食完就埋單,我食3樣送加個飯咁多野都係唔洗1000yen。
飽到傻,勁抵。又好食。間鋪幾多人。




附上地圖。唔記得影鋪面。應該無乜機會再去食。


食飽飽,又要行成差唔多二十分鐘先到新大宮,
一開波用ICOCA入錯閘,點知完黎入左閘就過唔到對面月台,
攪到我要搵職員出返閘,攪到MISS左班次,又要等多十幾分鐘
幾經辛苦,終於到奈良。


近鐵既奈良車站。時間太約下午3點。
第一個CHECK POINT就係去東大寺。




由近鐵奈良站 行去東大寺大約要兩公里差唔多半個鐘,
如果JR奈良車站仲遠。行到腳都殘 。
所以沿途會行過奈良公園個邊邊位,所以順便影下鹿先 。
其實我對小動物就無乜興趣 。


行左勁耐,終於到東大寺,
好多人起正門D欄杆偷影入面
不過途中我好成功咁樣踩到成腳鹿屎 !
所以我咁憎動物就咁解


巧Q貴,600yen Ar ,所以我知點解D人淨起出面影。








但係幾型既,可惜我全部相都影得唔靚
寺出面多人到傻,但收費區之後入面勁少人。


入面大佛。再行入去既就唔知比唔比影,所以我就無影了。
---
下一個景點就係去東大寺 二月堂
點去呢?


起東大寺門口,你會見到E個鳥居,但係就寫住手向山神社。
但我由頭到未都搵唔到手向山神社起邊 行入去,跟住D人上山。




都要行一段路,仲要係上斜,就到東大寺 二月堂掛。
我身邊有堆英文既亞洲人,
但佢地好撚勁,完全唔辛苦咁行上去,我行到喘曬氣 。



起上面可以起高處望曬成個奈良市既矮樓 。
見有D時間,就行埋去春日大社啦,順便落山。


途中見到一座山無草,應該係用黎燒山,日本人D習俗唔怕山火既咩




春日大社多人到無乜特別。
有D人DUM D錢,會有人好快咁執曬去。
我都DUM左個5yen ,之後就行落山了。
---
落山果時已經開始黃昏時間,行左半個鐘先落到山 好遠
順便去個興福寺先。


因為過左開放時間,入唔到去了。

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885520



五重塔。一樣無得入去。


比人參拜用既。就日落了。


隻腳行左成日,好Q痛,加上踩左鹿屎,
無乜心情行,經商店街行去近鐵奈良車站就準備走了。




近鐵特急,唔洗轉車同一定有位坐同快D返到京都。
一開波去錯月台,好彩即刻沖返去另一個月台。


坐完特急無錢。
夜晚買左個金拱門食算。個朱古力批幾好食。
沖完涼去酒店隔離Yodobashi玩左陣相機同行下就訓
--- Day 3 完 ---
aaq1234
背包客
#5
文章: 13
性別: 男生
感謝: 0次/0篇
註冊日期: 2015-07-27
舊 回覆: 山陽關西廣島十日 粵語遊記 [多圖] - 2019-02-13, 00:52
--- Day 4 ---
講返先,其實E日係去左琵琶湖,即係滋賀縣果邊。
因為本身PLAN果時淨係BOOK左3日起京都,
但之後改行程變左頭四日起京都,所以要一朝早換酒店,
照樣都係住APA,
但住起京都站近BIC CAM果邊既APA Kyoto-Eki-Horikawadori。

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885528

因為執行李,攪到一朝早MISS左班車。
因為湖西線新快速要等差唔多成粒鐘先有一班,所以食個早餐先。
當食左個平價壽喜燒。


やよい軒 京都駅八條口店。
無影到鋪面,類似吉野家既鋪,起京都站既西南面。都算幾抵食。





經湖西線坐一個鐘火車就會到近江高島車站。
有一個觀光案內所,睇台仔BLOG聽講可以借單車,
但身為一個一直住起市區既香港人,緊係唔識踩單車啦 。
加上我覺得之後程路踩單車都幾危險 。
近江高島 唯一景點應該就係距離佢有差唔多3公里既白鬚神社,


GOOGLE MAP都指示要行33分鐘,其實車站隔離有的士站,
去到白鬚神社太約只係要五分鐘左右,1500yen。
但身為窮LUN都係行下算。



原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885528

一望無際既路,其實E到只係其中四分一既路程。
果日係超涷,但天氣麻麻,多雲又有霧。
日本人真係禮多到傻,個阿叔行過都同我打照呼,
但真係成個市都係小貓三四隻,完全唔見人咁。
遊客都無見過咁濟 。


今次旅程無機會坐到既Thunderbird。
見佢班次都幾密,經常出現既特急。




城起邊??


行果時離遠見乜野乙女之池,
有條橋幾似錦帶橋既橋,當然無咁大啦。
不過中間隔住塊田,都係唔過去。


到e到要由左邊條路行多20分鐘。
行到我想死ar 。
好後悔點解唔坐的士 。


見到個鳥居果時係勁感動,終於到啦。






白鬚神社,其實係無特別既 。
通常d人都係居民,佢地都係坐車到




因為特別起水中鳥居 ,其實實物睇係幾靚。
加埋湖既倒影。
但相睇就麻麻地, 可能因為陰天。


條路係好鬼多車,仲要係重型車 ,我就唔會過對面馬路啦。
因為我覺得我條命點都重要過為左影張相,
但有一對講普通話既應該係台灣人,就好痴線咁衝左去對面 。
---
以下係我既建議,白鬚神社係靚,但離車站都幾遠下,坐火車去近江高島都耐,
琵琶湖北面,除左佢就得同浮御堂(我今次無去)係比較出名既景點。
值唔值得曬咁多時間就你地可以諗下,
因為可能可以用d時間留返起琵琶湖南面既景點仲好。
行返差唔多45分鐘返近江高島站,差唔多中午11點半。
就準備去下一個目的地彥根。
因為彥根起琵琶湖南邊要返山科轉車,大約需時2個鐘。


車程:
近江高島 Ōmi-Takashima >山科 Yamashina (JR湖西線新快速 姫路行)
山科 Yamashina > 彥根 Hikone(JR琵琶湖線新快速 米原經由近江塩津行)
到彥根果時已經差唔多下午兩點鐘。


彥根城主同建造者井伊直勝之像,背景係JR彥根車站。
今日成日都係咁落雨,一樣無乜人起條街到。
行去彥根城大約要10分鐘。




沿途會見到一個叫滋賀縣護國神社,幾靚,但無特別。
---
行多一陣,就會到琵琶湖八景之一既彥根城。
原來有成八景,
我淨去左朝早既白鬚神社同彥根城炸 。




上面個位係比人影相定?我都唔知。
但彥根既吉祥物係日本少量未比核幅射污染既吉祥物。




一樣係要買入場卷,睇到個山坡都知又要行山啦。






終於到彥根城,好彩上到黎個天氣唔錯。
座城聽講係日本現時少數非重建既木製古城 。
幾珍貴,希望唔會好似熊本城咁,震完就散左啦。
---
彥根城係可以入到行下,
因為古城,木造,
所以唔可以著鞋,但會有拖鞋比你換。




入面展品就好少,但條樓梯都幾恐怖。
生得高,好Q易撞到樓梯條陣,
一黎斜,二黎要趴低成半個身。
可能日本仔矮 ,所以可以設計成咁 。




休息一陣,順便起山頂睇下彥根市個景,
唔知大家見唔見到琵琶湖起邊?
張相好似影唔到咁,同個天一樣色咁濟。
其實我果日仲未食中午,但其實已經三點都有。
彥根城附近有條街叫夢京橋城堡大道係轉買近江牛,同食牛既。
如果想去,就要行彥根城另一個後門,叫大手門出口出去。




沿途會經過一個叫大手門跡同大手門橋既地方。
同時,個天色又差返,又落雨了 。

\
向前行少少,就會到夢京橋城堡大道,
但唔講都唔知E條街係賣近江牛既野,
因為同日本普通街道無乜分別,佢都好似無明顯既標示。






行左陣,因為好多鋪都唔知有無開,
所以比個待應拉左入E間鋪食。
半熟近江牛肉飯,係幾好食,但同樣好貴,
個吉祥物幾得意,幾好食 。
---
本黎諗住去埋近江八幡,但係都已經四點,行返車站都差唔多四點半,
京都五點左右就日落,所以都係算數 。早D返京都算。


返到京都,雖然我果日住間APA有洗衣機,但長期比人霸左。
一睇都知我又黎洗衫啦。因為唔想帶臭衫去廣島。
好成功比對勁矮既門撞柒個頭。
入面有洗鞋機,順便洗返我琴日踩屎對鞋。






夜晚,就緊係要再去四條行街啦,買野無乜好講。
本身諗住由京都車站沿鴨川行過去,但最後都係坐京阪上。
因為要坐車站廁所開細 。



玩到十點幾,最後坐京都地鐵返京都車站,
再去今朝早食早餐果到,食個日西式混合鐵牌餐,
講漏左添,間鋪係無限添飯。
食完就返酒店睇電視。
--- Day4 完 ---
aaq1234
背包客
#6
文章: 13
性別: 男生
感謝: 0次/0篇
註冊日期: 2015-07-27
舊 回覆: 山陽關西廣島十日 粵語遊記 [多圖] - 2019-02-13, 00:54
--- Day 5 ---
今日終於要落廣島了。
要留意既係山陰山陽PASS同任何JR WEST既PASS都唔包京都去新大阪區間既任何新幹線,
因為果到既新幹線係JR東海所有。




一朝早,我整理完D行李,就要坐HARUKA落新大阪,
其實坐同新快速相比任何特急,如HARUKA,THUNDERBIRD落新大阪既速度都係差多半個鐘。
但係坐特急就一定有位坐,加上山陰山陽PASS有得BOOK指定席。




黎到新大阪車站,有十五分鐘比我去廁所同轉新幹線,
順便起車站便堂鋪買個便當上車 當早餐啦。






NOZOMI號,山陽同東海道新幹線最快既卡,主要係16卡。
得3卡係自由席(返工時間會無位),3卡GREEN CAR,
其他都係指定席。
座位係3-2設計,坐3果邊如果坐滿既話可能都幾迫下 。
今程個推餐車妹妹幾嫩口 ,好靚 。無圖。


食返頭先買既便當先,其實都幾難食,特別係涷食。
應該得日本仔岩胃口。
---
新幹線隆隆聲咁,用左一個半鐘左右就到廣島車站。

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885530



廣島站附近其實得一間BIC CAM,
我唔明點解佢可以係日本七大都市圏 ,
比較我兩年前去既仙台,仙台市應該係佢既幾倍繁榮 。




落車就第一時間緊係放底D野去酒店先啦。
今次廣島住既酒店係APA Hotel Hiroshima-Ekimae Ohashi。
房都唔算大,但勝在平同近車站。
同埋我法國最近APA好多都加左大沐場,
但我就好少會用,所以就無所謂啦。


休息左一陣,又係時間向岩國出發
但要注意既係,
如果用JR關西&廣島地區鐵路周遊券係唔可以坐新幹線去新岩國。
只可以坐山陽本線去岩國。但我用既山陰山陽PASS就無問題啦 。
坐十五分鐘山陽新幹線就可以到新岩國車站。
比起坐山陽本線去岩國站需要四十五分鐘,幾慳左兩倍以上既時間




勁好彩咁遇到款特別D既巴士
幾乎係包車,包括埋我 都係得兩個客。
但因為去乜乜方向既牌,所以上車都係要問車長係唔係去到錦帶橋
坐左好似十分鐘左右就到錦帶橋。




可以起E到買張錦帶橋同岩國城既套票,
但有比散買無平左我就唔知。
果時仲有巴士時間表。方面你睇時間返新岩國站或岩國站。


e句日文唔知點解?






條橋係幾得意既,木造既拱橋,
但記住過E條橋係要錢 ,
當比錢佢保養,但希望筆錢唔會好似高達咁比人貪左啦。


橋上面行係幾有質感,但D梯級小心"仆街" 。
---
過左條橋就到左吉香公園,可以比你休息,望下路人(囡囡),


我順便坐底覆下WHATSAPP先。


聽到個工人同左邊兩條囡解釋緊條橋好似用乜木造 。



E舊野係乜觀景台?咁矮既。
起吉香公園跟住指示牌行入太約5分鐘,
就會到岩國城山腳纜車站。


無站名既 。




架纜車好似每15分鐘一班,好快就到山頂 ,
但建議見到多人既要排隊,唔係洗要坐下一班。
車廂唔算大。




上到山頂就可以影到岩國市既風景,最遠可以望到瀨戶內海。
---
好似有兩條路可以行去岩國城,但我就選左條安全D既石屎路。
但D行山阿伯好似行曬另一條路。


無人既,做乜都無人知 。


沿途會見到唔知乜野黎。
由纜車站太約行十分鐘左右就會到岩國城。




都算幾靚仔,但幾難搵到靚位影佢,
入去有D刀刀劍劍同木製模型睇下。

行完岩國城,就係時候落返山。
落山見山其實都有D早,仲係下午一點幾。
行落一條路會經過吉香神社。




小神社一個,無乜特別。


附近會有個小木台比你起河邊 玩下D鴨仔同錦鯉。。
---
HEA左緊就經錦帶橋行返巴士站,錦帶橋D人都幾HEA下,
我無比飛佢睇同蚊走 飛尾,佢都照比我出。
同埋要留意新岩國站既巴士係觀光售票處對面等。廢時上坐車去左岩國站啦。


本身PLAN果時諗住岩國係可以玩到下午四點。
點知乜野都好順利,下午二點幾就返到新岩國。


咁唯有早D返去廣島,順便食個中午(下午茶?)
因為新岩國好似無乜地方可以食野。
返去果程好神奇,
架KODAMA居然幾多人坐下 ,起果個時段都幾齣奇。






之後去個廣島車站隔離既E間鋪食左個廣島燒,
佢好邪惡,列埋個餐有幾多卡路里。
好食,推薦,我揀左有豚肉果個。
我食果個好似12XX 卡路里 。仲要叫多左杯可樂


cg




回覆 引用 收藏回覆 編輯 檢舉 TOP












發短消息 加為好友53本主題作者 發表於 2019-1-25 09:46 PM 只看該作者
原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885530



食完都係下晝3點半左右,見有時間,
就順便由廣島車站行15分鐘去縮景館行下。




出示山陰山陽PASS可以由260yen入場費減到200yen。


上左中間條橋都幾淆底下。


影相靚相先。




入面都幾多九唔搭八既景物。
最後,送多張全景圖。


縮景館以咁既價錢入去HEA下都唔錯既,你當一個幾靚既公園 。
---
行完縮景園都已經差唔多日落,又無理由咁快返酒店訓,
就行太約20分鐘左右到廣島本通商店街。




應該係廣島唯一有得比你鳩嗚行下既地方。
有間都算大既DASIO同激安,同一堆食同買野既鋪頭仔。


無啦啦比人拉左去抽獎抽左盒紙巾。


行左粒幾鐘,由街頭行到街尾,就坐廣島電車返廣島站。
搭車方法係起後門入,拍ICOCA,
落車就車頭出,再拍多次卡就比錢。
廣島市區既線劃一收費180yen,即使一個站 都係。
其實幾平下,但都幾慢下。


因為下午食個廣島燒都幾飽下,晚上都係買左M記就算。
--- Day 5 完 ---
aaq1234
背包客
#7
文章: 13
性別: 男生
感謝: 0次/0篇
註冊日期: 2015-07-27
舊 回覆: 山陽關西廣島十日 粵語遊記 [多圖] - 2019-02-13, 02:29
--- Day 6 ---
今日既最主要行程係宮島,但我起上網CHECK 潮汐時間。
差唔多要去到下午四點半先退潮,所以我可以下午先去宮島都仲得。
早上就玩下廣島市內既景點。
因為今日行程都唔算多同遠,所以唔洗咁早起身,
第一站緊係去原爆遺址打卡啦


行去原爆館都幾Q遠下,所以去廣島車站坐廣島電鐵去先。
記住去原爆係去二號月台。唔好見有車就沖。


用太約15-20分鐘就到原爆遺址前車站。照舊180yen。






原爆遺址,估唔到E個景點都幾多鬼佬,
同時見到有個鬼佬係到影JK真識食
果到仲有D路人阿婆勁得閒撩你同你講原爆同二戰歷史,
但我唔識日文即係雞同鴨講,扮聽點下頭算。




行去河另一邊影返過去先。






和平紀念公園。無特別。


有個位比人獻花。
博物館我就無入。


我上去玩個鐘,響左下鐘勁大聲。
補張另一個方度影既圓頂屋。

起原爆行左太約一個鐘左右,就行過去廣島城。
其實都幾近下,行15分鐘左右就到。




廣島城門口。


一入去,途徑會行過廣島護國神社,
入面有好多社畜
日本都幾興一個好似上司既人,拖住一班跟班既行街

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885616

個神社都幾新淨下。點睇都似新起 。
由廣島護國神社跟路牌指示上山,行3分鐘左右。就會到廣島城。


重建既廣島城天守閣,幾型下。入面會有D廣島市既歷史,同埋日本古代既生活,當然唔少得廣島城既歷史,原爆前原爆後既分別,同點樣重建。


可以上頂樓望下廣島城周團同護城河。其實廣島城雖然係重建,但都值得行下既
行埋廣島城都係11點多少少,
所以行十分鐘左右再落本通商店街行下先。
順便食個中午。




今次去日本第一次食拉麵,碗野都好似成千二yen。
係幾好食,但D面身有D似壽桃牌全蛋面
我懷疑應該同一樣野黎。


之後去starbucks買杯期間限定既星樂冰。
打算等陣坐車食。
我坐路面電車返左廣島站,再坐JR去宮島口[sosad]
我都唔知對比路面電車直去會唔會仲快,但無所謂啦。


杯野坐火車果時已經融曬
仲以為得幾度唔會融
---
學鐵膠影相廣島電車。


---
坐半個鐘火車就會到宮島口。




之後要行5分鐘左右到JR宮島口碼頭,
因為都係JR西所有,所以張山陰山陽PASS都可以照用。
當然如果你唔係用PASS既話,可以睇班次試下坐宮島松大汽船,一樣可以去廣島


架船都大下,好彩都唔算多人,一去就有船唔洗排隊。


向嚴島出發#run#dog 。


下午一點炸WO,D人咁早返去既。



又有鹿) 好彩E到D鹿好Q懶[slick]
今次我會望清楚條路有無屎
由車站行十分鐘左右就會到嚴島神社,
沿途可以有商店街,或者鋪頭會賣D 燒蠔或者饅頭既野。




但我行沙灘果邊去算,回程先行下商店街。




案內圖。但我無咁早入嚴島神社住,打算最後再去。




下半截仲起水入面既大島居,感謝兩位日本妹入鏡
第一個去既地方係。




好大個木製建築物。張相影到少少五重塔。


入去都係要錢同除鞋既。




其實入面無乜特別,入面行一分鐘行曬,
望去海個景都唔係特別靚。
但係我諗應該係比人休息同HEA時間既,
求其搵個地方坐下都幾舒服既,
我都坐左十五分鐘HEA陣順便覆下WHATSAPP。
建議等覺得攰果時先上去坐下。
---
HEA完都係兩點左右,咁到底有乜做,
潮退要成四點幾,
我本身諗住周圍行下,但我做左樣我都覺得痴線既野。


我起紅葉谷公園山腳比個鋪頭店員SELL鳩ME。
買左張上彌山既纜車飛,千八YEN好Q貴,
但佢呃鳩我玩完上面仲夠四點落山睇退潮[sosad]


緊係坐免費巴士上去啦。我先唔行山
雖然好似行上纜車都係5分鐘左右。




紅葉谷纜車山腳站。


坐纜車了,佢話最多坐八個,我架車坐六條友已經有D迫到。


原來上山都幾耐下,
但坐緊果時有樣野就幾好笑,有個日本中女撩個單身鬼佬講野,
點知個鬼佬成程搵佢講野 ,但條女應該英文都唔係好好
全程只係笑
雖然我D垃圾英文無資格笑左,
但我起旁邊聽,都係一句聲都唔出算
---
其實要坐兩程纜車,
一個係循環型既吊車,一個係往複式。


要起中途站 - 榧谷站轉車。


十五分鐘一班,我又勁好彩
一上到去就有車


坐五分鐘左右就到獅子岩車站
---
一上山就緊係望下地圖先啦。


吊佢咩,行去最近景點,不滅之火要來回40分鐘,買飛條仆街呃鳩我
時間已經三點三左右,好似有D蚊水。
最後決定我起山頂HEA下算。


唔知邊舊先係獅子岩。


可以望返去廣島市。


就咁影唔太靚。


所以,影張全景相先。可以望更多既瀨戶內海。

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885616




佢會有D窿,比睇你睇個海唔同既島既位置,同介紹。
起上面無乜野做,但吹下風都幾爽。順便HEA到接近潮退。
---
落山已經四點,即刻衝去嚴島神社先。




張飛印得好簡單。


入面係幾靚,同埋無乜人#good# 。


幾靚。


退左潮。但我覺得我柒左,E個神社應該漲潮係靚D
---
終於到今日最重要既景點,大鳥居。
佢同白鬚神社果座唔同,白鬚神社果坐係下半截長年起水。
宮島E座係潮漲下半截起水,潮退就會出曬黎。






好靚 ,同時好多人,
建議去果日帶多隊拖鞋或著舊鞋,
因為對鞋一定會有泥,同有好大機會入水。






可以掂到了。


影返去神社果邊。


發現有條友不怕死。
如果潮漲BLOCK左條路,佢死緊
加埋個天氣,如果唔係逆光就真係勁靚。
送多張圖。


回程就行下商店街先啦。
想食蠔,但我食蠔多數第二日會痌撚到仆街,所以都係無食。
但都要掃下街先。




食個牛肉包,係幾好食,但有D貴 。
麻麻地建議,因為香港應該成日都可以食到中式蒸飽[sosad] 。


之後起E間野買左一盒加幾粒宮島饅頭做手信同即食,還可以既。


買多條炸既宮島饅頭[sosad] ,E個就堅難食


繼續行,咁係唔係代表MISS左一班船?


真的走了。
---
返到廣島無乜野做,都幾眼訓,
咁樣去行下廣島車站ASSE百貨同超市買D野食返去食,酒店有微波爐




上面幾好食,下面比狗食。
--- Day 6 完 ---
aaq1234
背包客
#8
文章: 13
性別: 男生
感謝: 0次/0篇
註冊日期: 2015-07-27
舊 回覆: 山陽關西廣島十日 粵語遊記 [多圖] - 2019-02-13, 02:31
--- Day 7 ---
今日朝頭早既行程係去尾道,
因為想坐Hello Kitty新幹線所以要一朝起身準時坐車。
我去尾道既方法係:
1.廣島>三原 Mihara (JR Hello Kitty Shinkansen Kodama730號 新大阪方面 14號月台) (8:13 發 8:48著)
2.三原>尾道 Onomichi (JR 山陽本線 和気行或岡山行) (09:11 發 或 09:48 發)


八卡編成,500系,可以比我輕鬆D去車頭影相
但廣島站有圍欄阻鳩住左個車頭添。


第一卡係特別展示車廂,可以買D手信同野食。


我買左右邊盒朱古力,
但我早知買模型算,模型好似有紀念價值多D。
本STORY BOOK入第一卡會比你,入面係介紹E架新幹線。






第二卡會有D打卡位,


第二卡車廂坐位會唔同D (其實只係多個公仔 )。
之後第三卡打後係同普通500系內部無分別。
好快就到三原,落車架野會停太約3分鐘,





原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885618

緊係把握時間影相。
我覺得架野係靚過EVA,可能無睇過EVA掛



88啦無嘴貓。
由三原坐半個鐘就到尾道,
班次好疏,建議比較下佢同福山到底邊個班次時間靚D


坐返在內線覺得好Q慢添。


沿住鐵路向東行去千光寺山腳纜車站,
其實可以行商店街,但9點D鋪未開




行左一段幾長既路就會到纜車站。
個纜車站收我好埋,唔睇GOOGLE MAP係唔知要轉入去,
但好Q似人中之龍6


照舊要買飛啦。盛惠500大元 ,來回其實算平。
起車站痌個尿之後就係時候要上山。


車廂幾型,今日完全無人咁濟。




上山我同佢地3個
會有個乘務員係咁UP架文,但我一句都聽唔明。#haha#dog


坐五分鐘左右就會到左千光寺山頂纜車站。
真係完全無遊客
上到山頂,天氣幾好,
但係都幾大塵,果然工業區附近空氣都差少少。


觀景台,吊我7左以為佢係餐廳果層係展望台
以為好似香港D SKY100餐咁要食住睇,
上左一樓就落返黎。 #)#lm2 果日無遊客帶路就7左。[sosad]




乜Q野戀人之聖地。
明知一支公,又串鳩ME


藝術既野


睇地圖,原來除左尾道同今治之間都幾景點下,
如果下次去四國應該我會搵一日玩曬去。
---順便睇埋千光寺附近既地圖,睇下點去千光寺上山都係為左去,千光寺係尾道既重點景點,一座起半山既寺廟,可以比你睇到尾道同瀨戶內海既景色。


睇Google Map係無山路既[sosad] ,靠Google就死得。


想由山頂纜車站行落千光寺既話要行E條文學之路。


點解會叫文學之路,係因為沿途會有D木牌,入面會有D日文既詩句。一黎唔識日文,二黎非文科仔,心諗關我X事咩




起千光寺門口會有幾尊觀音像,幾得意下 ,雖然其實一直都覺得D像都幾恐怖下
行左十五分鐘左右,終於到千光寺。


由山頂落黎就好似行後門咁##dog 。我見D人全部都係坐車上黎咁濟#haha#dog 。


千光寺的鐘樓,佢聲稱"日本之音風景百選",
我心諗日本仔咁鳩無聊鐘聲都可以攪個排名#haha#dog 。


D繪馬好Q得意,巧多鬆弛熊,如果比我家姐先到實會寫塊。


神社入面照舊無乜特別。




上去搵位影下個千光寺先。
有條鐵鏈比你爬上山,但有無人會咁痴線。




千光寺加尾道市 & 纜車加尾道市。
幾靚,但天氣都係麻麻,
但果到窄到你唔會搵到有個靚角度影到相。
附送一張手震攪到中間痕 既全景相。


---



行返15分鐘上山,又要坐纜車落返山,
因為要等車,咁起車站HEA下先。


又串鳩D單身狗,我


今次落山就真係得我同個乘務員。




落左山就緊係行下商店街啦,但明明都11點半,都好似無乜人咁。
鋪頭都無邊幾間開






黎尾道就更係要食拉麵啦,因為商店街無鋪開,
唯有去車站左右E間拉麵鋪食,平民價 ,1k yen以下,
係幾好食既,D油脂好Q正 。但餃子就麻麻




由尾道站坐幾分鐘山陽本線去福山,就可以住新幹線返廣島,
下午打算去吳市(但有D柒野,等陣講#haha#dog 。)
今次坐既係SAKURA,N700 2-2真係好坐過NOZOMI 3-2好多。##lm2
但FULL到呢
---
下一站,向吳市進發,
坐左十五分鐘左右就返到廣島,快Q到呢。


之後要坐山陽線落吳市,我法國E條線D車幾型。
車頭兩塊牌有乜Q用??_? 班次係勁疏,但好彩D車好早埋站比你坐。O
同埋E條線班次千奇唔好用Google Map,
因為上年山陽暴雨之後CUT左好多班次,
我都比佢伏左以為坐錯車,最後攪到要用換乘案內。
坐9個字車,坐到吳市。


吳市有兩個景點,
一個係吳市海事歷史科學館,另一個係海上自衛隊吳史料館。


行去果兩個景點,全程係可以行天橋
中間有個購物商場,好似AEON咁,
本身諗住行下,但之後有D仲柒既事,攪到無曬心機


海上自衛隊吳史料館,潛艇外型,打卡必要。


吳市海事歷史科學館,外表無乜特別,但後面好多軍艦。
之後我行左落去打卡,
但有幾個本地既高中生好似笑鳩我,心諗乜事



行埋去史料館,都有個疑問點解會鎖左大閘。
DIU,原來今日星期二係閉館,行埋去科學館都係咁。
我真係喊撚左出黎
---
出左D咁既柒野 ,就緊係睇下仲有乜後備行程啦,
但係吳返廣島都差唔多要成粒鐘,唉


起坐返廣島果時,最後決定都係去博多算,做痴線佬快閃遊。
9點55分就尾班車,我就BOOK早一班安全,代表留起福岡最多都係3個幾鐘左右,所以要PLAN得好小心。
好彩我果張係山陰山陽PASS##lm2 #touch#lm2 ,行程自由度大好多#bye#lm2 。




NOZOMI N700系,
坐左一個鐘就多博多,真係快得好痴線
後半段真係全程隧道,但開勁快,攪到耳仔都痛痛地。
---
好神奇,福岡下午五點幾都仲係日頭[shocking] ,
起京都習慣左下午五點 太陽落左山添。[sosad]
福岡快閃有兩個景點我考慮過,
一個係天神商店街,一個係福岡塔,
但商店街我成日行,最後都係決定去 福岡塔,
Google Map教我坐 306巴士去 福岡塔。




即刻狗衝去巴士站。巴士站有3層,
心諗做乜鳩,都唔知邊Q個位上車,
唯有搵個職員問,佢教我去6號"月台"等車。
坐45分鐘左右,就會到福岡塔,果時已經黃昏。
巴士有電子報站,唔怕落車站,
但我發現D車站名同Google Map有出入
原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885618




真係靚到痴線,加埋D燈飾。

果到勁多韓國人@_@ ,居然韓文多過廣東話,日文
福岡站應該維修定乜,要二月先開,所以上唔到去。
有時間,唯有行入D去,乜野百道海濱公園,


有個靚靚沙灘。






夜拍就真係無辦法
真心我覺得E D景點無乜日本FEEL,
好似返左大陸D偽洋式景點咁
---
臨走前,用手機長快門影左張福岡塔,




下次去福岡 一定要再去多次,為左上去福岡塔 同影個白天既VER.。
補幾張補岡塔,相機影,上面就NOTE9影既






---


之後坐巴士返博多車站,巴士居然有報站,
但同香港9巴果D一樣,係唔準時既
坐巴士果時睇街境真係覺得福岡幾靚,果然係大城市


阪急百貨插旗插到9州[sosad] 。


靚##lm2 。行下商場行左一個鐘左右,又洗左成皮。#bye#lm2
果到連DASIO果D都勁大。[sosad]


食左個唔知乜野飯,我淨係計得幾辣下。
但都算中上好食既#good# 。食完就算唔多時間去返廣島。IMG]https://www.discuss.com.hk/images/smilies/default/smile_o10.gif[/IMG]
---
想早D返去沖涼洗衫,所以食完飯,




改早十幾分鐘坐早一班車


唔係咁夜返去,都唔知廣島去我間酒店果條橋有E樣野。



廣島間APA應該係我要過咁多間最先進既APA,
電視有得睇洗衣機使用狀況#adore# 。慳左我勁多時間
洗衫洗到凌晨一點先訓得。好Q眼訓
因為聽日要返大阪住了。
--- Day 7 完 --
aaq1234
背包客
#9
文章: 13
性別: 男生
感謝: 0次/0篇
註冊日期: 2015-07-27
舊 回覆: 山陽關西廣島十日 粵語遊記 [多圖] - 2019-02-13, 02:33
--- Day 8 ---
今日行程主要係朝早去岡山市內玩岡山城同後樂園,
下午就去兒島睇瀨戶大橋。
又要換酒店了,晚上轉返住大阪,
所以要一朝早CHECK OUT執行李。
落到車站先醒起漏左幾支野飲起雪櫃


例牌坐快車NOZOMI指定席






坐45分鐘左右就到岡山車站,第一時間緊係搵locker啦
好彩一朝早仲有大locker放我個喼,700yen大站算係咁啦。
其實如果起岡山車站搵唔到locker,就唔洗驚既,
起新幹線出閘口,附近有個位比你人手寄存行李,
叫乜野"貓之車站",但日文好似真係全日文字平假名,
寄存價錢同LOCKER差唔多。但八點就好似收工。


一出車站,就有間BIC CAM同驚安,雖然無乜百貨,好似遠少少有間AEON,
但去完岡山同後樂園返黎都可以行下
---
去岡山城既方法,除左行路十幾分鐘之外,
仲可以坐市內路面電車去,城下車站。


我就緊係坐車去啦。
新淨過廣島果D,但係車箱就窄身D,好似係。
好似劃一收費100yen?




由城下站行五分鐘左右就會E條橋,
橋有一邊係通去後樂園,另一邊係通去岡山城,
我就選擇去岡山城先既。






岡山城,雖然都係重建,但都係幾特別,
我去過既好少城係咁既風格,但唔知點解我覺得有D西式FEEL。


我就買E張組合埋一齊既票,560 yen。
再加埋 山陰山陽PASS 折扣好似再平D,好似用左就可以用團體飛個價錢。







入面會有D位比你影下相打下卡,建議係搭LIFT坐到最頂,
一層一層咁落去,因為由上至下,
會順便坐城既歷史講E座城既歷史同唔同年代既城主既生平。
以咁既價錢幾抵行,都行到二十分鐘既,如果睇得詳細可能可以行再耐D。
照舊買左D紀念品。
行返去頭先條橋果到,橋另一面就係後樂園。


明明有後門行50米,但我犯賤行去正門200米


摩打腳,勁快就行到正門,200米用左3分鐘都無。


一入到去一個字,好Q大,應該係縮影園既四倍左右。








天氣好彩幾靚下


過橋果時都淆淆底。




不過入面就無乜特別野同古怪野,係唔係都係要睇季節
但都幾靚既,都算值得去
岩曬影相,入面好Q多香港人


咁岩有個攝影展,咪入去行下LO,入面要換拖鞋無得影相。
但我覺得佢話最佳作 果幾張相,衰過其他佢貼既良好既作品。
連埋起入面休息坐下,用左40分鐘多少少就行完後樂園。
原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885621
---
下午就去兒島,但時間仲早,
岡山都有D荒蕪下,岡山城附近都無乜鋪。
唯有坐車返岡山車站附近行下順便食下中午先,


抵讚,有電車到站LCD報站。五分鐘一班,真係幾密下。




咁岩好似坐到隻特別D既車。
入面係木地板,木櫈。但成車日本廢老
果然日本後生仔都去曬東京大阪D大城市
---
去左個BIC CAM借廁所,間BIC CAM比起廣島,大阪都算細間,
之後就落左地下街同驚安行下,幾大下,但多數賣女裝,唔岩我啦。
唯有去車站入面有條好似美食街食個飯。




食左個今次去日本,除左燒肉之外第二熱氣既野,吉列豬扒飯定食。
無記錯係接近二千YEN幾貴下,但係超超好食
特別中間好似有D唔知係唔係芝士既野

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885621

日本人食咁多菜,實唔怕便秘啦 ,我食完仲問我要唔要添
因為係椰菜絲,第二日放左成日屁。
食起就係時間起程去兒島,緊係又要BOOK張車飛先。


SHIOKAZA 13,都唔知乜車黎


望落去好普通,好似同普通既LOCAL TRAIN無分別,都唔似特急#haha#dog。
三卡指定席,二卡自由席,最好笑聽到有香港人坐,應該係落四國玩既






反差好大,入面其實靚到痴線,同幾好坐下
最少好過關空架垃圾Huraka
同埋我發現一個密技,你起車入面影出面月台D JK
咪無人知同見到LO,同一定捉你唔到
獲得神技能
---
其實淨係坐一個站,十幾分鐘就到兒島車站,
我諗本地人應該O阻嘴,一個站都要坐特急
兒島得半日,我應該淨係去到睇大橋,就唔行乜牛仔副街,
但我起車站附近睇過D牛仔鋪,多數都係褲,
但我想買牛仔嬲多D
題外話。
日本D褲好短,唔岩我又肥又高大既人著。
釣腳釣到傻 。明明最大碼數,即使係夠闊,但都係勁短,
果然日本多短人#hehe#dog #haha#dog #haha#dog 。




佢聲稱既日本牛仔副發源地。


全日文唔知UP乜7鳩。




如果要去睇瀨戶大橋,上網睇最靚係日落,
要去影橋睇景,就要坐巴士去鷲羽山第二展望台,
唔好睇GOOGLE MAP以為可以行到去,好遠同山路#bye#dog 。
記住日本冬天好早日落,同係無街燈。
坐既係下津井循環線 日文字#haha#dog 號 循環線,睇岩位置上車。
260yen一程,買1 day pass係510yen,車上可以買。
省鳩得10yen我用ICOCA算#give#dog 。
D車好似有曬IC卡,但聽講有機會無,
所以建議都係帶定現金,廢時用巴士D濕鳩唱錢機。
如果周未好似有豬仔團觀光巴士,
兒島D觀光景點每個停幾十分鐘比你影相果D,
可惜我唔係週末去,所以可以無視。
好多廢老坐。沿途好似有個乜鳩樂園,有魔天輪、過山車果D。
但望落去無人好恐怖,不過有對日本情侶落左車



行緊果張已經可以見到座橋幾靚下
坐左半個鐘左右,就黎到鷲羽山個巴士站,你見到迴旋處,
其實閒日可能無乜遊客,你有機會唔識落車


去程回程都係E個站,記住回程尾班車好似17:57。
但係巴士有機會早到早開,如果佢見無人


主要有三個影相位,鷲羽山第二展望台,鷲羽山第一展望台同山頂。


上山果時,因為無乜遊客,有個幾靚既日本妹成程搵我幫佢影相,
佢應該大過我,應該20中左右,佢用日本手機+D MK妹影相APP
逆光仲好過我部NOTE9
佢幫我用我影相,我部垃圾NOTE9成都逆光,黑撚曬個樣[sosad] 。
但都好後悔無裝LINE同勇敢D問佢拎聯絡方法




有海景地圖睇下。




鷲羽山第二展望台影既,影到條橋全相,
但都幾多雲下,攪到唔多夠靚
之後就一直跟指示行上山,就會到第一展望台,
係可以比你休息下既,入面有得坐下同買下野飲。




有個大橋模型,但塊玻璃好Q反光[sosad] 。






E個位POST FB IG打卡一流。




上到山頂,同條女用雞同鴨講既英文講左少少,
幫佢影相果時佢除左件嬲,好淫 ,加埋個景,真心靚。
有其他人上到山頂佢就先走了。
但起山頂識左兩個台仔
我起山頂都留左陣,之後去返第一展望台果D鳩坐左半個鐘,
落山果時撞返果兩件台仔行落山,我普通話都勁屎下,
佢地好似係黎岡山關西玩,買左張關西WIDE PASS,果日係第二日,
佢地有驚訝香港聖誕節會連埋新曆新年係會放假同SEM BREAK
佢地大學SEM BREAK多數原來係農曆新年。
之後用D好弱雞既普通話傾左D鳩流流既野到返兒島車站。




台仔應該未開PASS 等下架LOCAL返,我就走先。


今次坐特急南風號。


超FULL,同架車入面都唔太靚。
果然尾站前一站都係勁FULL。
---
返到岡山車站,買野既都好似無乜好行,食個夜晚飯早D返大阪算。
去左餐廳名叫SUNFESTA既食,車站入面右手邊。


黎到岡山,緊係要試下乜野黑色炒飯啦,
我另外叫多杯酒飲暖下身。左邊果個係湯定乜黎。
照舊千幾Yen一餐啦,
但果然炒飯都係香港D有獲氣既好食D,但都還可以。
但未去到一定要試既地步,同埋中午果間好食D。


即BOOK下一班NOZOMI返新大阪,
應該放底行李去酒店,晚上仲可以起大阪行下


今次大阪住既酒店係大阪肥後橋駅前 APA Hotel Shin-Osaka-Ekiminami‎,
我上次去大阪都係住E間,優點近梅田,買野一流,地鐵站一出就係,
起商業中心區,治安好過乜新今宮,難波好Q多,仲要平。
八點鐘成功達陣酒店CHECK埋IN
---
梅田上次去大阪去太多次行,落下難波先


坐幾個站就到 。但難波地鐵站大到行Q死人


又見無嘴貓




例行公事 ,我影過無數次 。



起個MON見返自己
行街鳩鳴無野講 ,又要買野
行到十一點就返酒店,大阪可以玩夜好多。
--- Day 8 完 ---
aaq1234
背包客
#10
文章: 13
性別: 男生
感謝: 0次/0篇
註冊日期: 2015-07-27
舊 回覆: 山陽關西廣島十日 粵語遊記 [多圖] - 2019-02-13, 02:34
--- Day 9 ---
黎到尾二一日,今日就去個近少少既地方玩,
早上就去基佬,下午就神戶附近。


琴日玩得太夜,再加上遲訓,攪到我懶訓,起唔到身
本身PLAN 上午8點出發,最上午9點先到新大阪。


又坐櫻花號。都係勁FULL,社畜返工時間

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885622



坐左半個鐘左右就到姬路車站。
車站一出好空曠,起條大街離遠都見到座姬路城。
向右行入一條街係有商店街,但咁早未開啦。


行左20分鐘左右就到姬路城門口,唔好以為好近。
如果唔想行,可以坐巴士。我回程坐巴士的


行去基佬城沿途會有個姬路市立動物園,休館既,
二月定三月先會開返。
---
好快就黎到姬路城,日本三大名城之一,
同熊本城(已收皮)、松本城齊名。
睇WIKI話佢甚至可以叫做"日本第一既名城",


正所謂:不到姬路非好漢。






未入收費區前,都有個屋仔比你睇舊時姬路城舊既柱。




又要買飛了,記住有ONE PASS既可以用優惠,
由原來1000yen 幾貴下既門費打個八折變800yen,即刻抵吊曬。




一入去見到,白色既城 靚到呢 ,最重要係好大座。
仲要好似唔係重建既




座城照樣可以入去,不過去除鞋,可以影相,但相對上無乜展品,
入面多數睇下佢既設計同風格,好似D比忍者收埋自己既暗格,掛武器既位咁。


基路市,唔算繁榮既城市。





照舊,臨走會有路比你打卡。
果到巧多韓妹,巧想奶佢地
---
回程我就坐巴士返到姬路車站,但係十一點半,時間仲早,
起車站前面間百貨公司交左個水費之後,
就行左陣商店街,我發現係好撚長,幾乎行返基佬城,左右又好多分支。
所以,我程巴士係蝕鳩左錢既。
雖然我都應該行唔曬,好巧多100yen店同精品店,但無乜MK妹


時間黎到中午十二點接近下午一點,
因為朝早見到車站入面有間吉野家,但我今次旅程都無食過,
所以返車站食個吉野家先,好似8XX yen,勁抵DIU,
當然D肉一分錢一分貨啦,同平時牛飯果D一樣味 ,但係勁飽




無野做 起車站等車果時見到有D野望下同打卡
---
下一站明石海峽大橋,首先要去舞子先。
我既坐法係:
姫路 Himeji>西明石 Nishi-Akashi (JR 新幹線 東京行)
西明石 Nishi-Akashi>舞子 Maiko (JR神戸線 米原行)
如果無PASS既話就乖乖地坐山陽本線啦,都只係耐15分鐘左右。


坐左半個鐘就到舞子車站,留意新幹線同西明石班次夾唔夾。




一出車站就係過橋就係無仔公園。
橋之博物館,睇台仔BLOG有D伏
我無入去,我去孫中山館算
---
雖然好似無琴日去果條瀨戶內大橋咁大舊同咁長,
但明石海峽大橋一D都唔輸蝕,一黎可以好近咁影,型到
原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885622


靚靚,個公園完美角度。
加埋個天色同D雲,一流 ,覺得無伏


乜野夢視鏡。係唔係個窿可以望到橋既最盡?所以叫咁既名?
送多張全景圖比大家。


去詢問處借個廁所先,


但D職員都幾鳩HEA,我入去果時睇住佢地仲玩緊手機,
去完廁所出黎,佢地先發現我入過去。


一次影曬三個景點,
左邊孫中山移情角,中間夢視鏡,右邊明石大橋。




孫文紀念館,300yen入場費,
要除鞋,門口有櫃比你放鞋。
入面得我一個客,同得一個職員,個職員阿姐又係勁HEA
仲以為日本人多數好重奴性,都係識蛇王[sosad] 。


還可以啦,有兩層,都係D清末革命軍閥國共打打殺殺果D力史
好恐怖,我去邊到D抽氣扇就會開,
我懷疑個阿姐用CCTV睇住我之後遙控黎開




行左十分鐘左右行完,臨走影下個孫中山像同打卡。
行完移情閣,明石大橋有樣特別就係,我地可以入去有個橋底觀景台行下。


叫做無仔海上散步道。


照舊要買飛入去啦,我見有D自動賣票機買飛,
就係咁搵搵銀仔,但最後先發現原來有個位人手買飛
250 yen唔算貴。




入面真係望橋底同出面嫁炸,
但聽講有D時間有團會帶你真係落下面條車路睇橋




應該唔會有人會淆底。


有部機比你睇下橋既所有CCTV,但個清晰度就
其實E個景點都係有D到此一遊感覺,但上去買下紀念品LO。
送多張大橋比大家。




---
下一個景點係神戶港,
坐十五分鐘 神戶線快速去元町車站。


出閘口咁岩無出閘員,迫我直接跳出去就算
個LOCAL O阻嘴


車站附近有條中華街,回程果時行左陣。
有D中式飽,偽中式食物。


要行二十分鐘左右先到神戶港,中途有條勁大既木造鋰魚。


行左勁耐先到。就黎到神戶塔。




照舊可以用ONE PASS特價(上面孫文記念館都可以,唔記得講添),
平100yen,最後600yen入場,但張飛印我都幾HEA下。
塔入面都有D舊。


DIU 又串鳩我


又係邊鳩個會淆AR






可以見到神戶市同港口D主要建築,會有介紹。
行左15分鐘玩完神戶塔,其實無乜特別,
之後去港口坐下,休息一陣,打個圈,
就去沿途行下中華街再返元町車站。
本黎想食下神戶牛同影下夜景,
但無帶腳架同得四萬幾YEN就無食了,留錢買野
---
夜晚返到大阪又去多次難波 ,今次襯早行轉日本橋,
巧多嫩口企街#adore# #adore# ,巧短裙


起難波博殺完,食左個滑蛋吉豬飯。
得食雙倍份量,千一YEN,但勁好食
店名:かつ丼 吉兵衛 なんば道具屋筋店。

食完返酒店洗衫執行李就訓,聽晚就要返香港鳥。
--- Day 9 完 ---
aaq1234
背包客
#11
文章: 13
性別: 男生
感謝: 0次/0篇
註冊日期: 2015-07-27
舊 回覆: 山陽關西廣島十日 粵語遊記 [多圖] - 2019-02-13, 02:36
--- Day 10 ---
最後一日,早上去HARUKA 300 睇景,下午傍晚就鳩嗚。
所以今日既行程都係好短。我第一次訓到9點半。
因為今晚係新大阪坐HARUKA返關西機場。
所以一朝早都係上去新大阪放低我D行李啦。


9.10月台上面有大量LOCKER,可以用ICOCA鎖野,方便
咁岩有班HARUKA,之後沖左落月台坐去天王寺,
因為坐自由席,終於比人CHECK飛


但都幾Q耐下先到新大阪車站,果然JR起大阪既市區線都係垃圾


HARUKA 300,亦係近畿日本鐵道既主要架步
近鐵百貨好堅,好大好新好多層,巧多野買。
---
WELCOME TO HARUKA




隻能好QQ。




1350yen 即使你係用大阪鳩遊卡定乜都係要比錢。
唔好以為好貴唔去,因為我覺得佢真係好靚,係一定值。
---
大阪有兩個觀景台必去,
夜既就係梅田空中庭園(有得吹到風好爽)
日頭一定係HARUKA300
最伏一定係新世界通天閣。

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885623





一上去真係靚到WA一聲,我覺得即使佢貴一倍三千yen上去都抵。
E個觀景台落地大玻璃,360度,靚到DUP一聲。


好高好靚。


又玩E個








大阪真係好繁華。


個模型幾得意。

---
就黎中午十二點,無食早餐有D肚餓添,
HARUKA 300下面有三層美食街
揀左好耐,決定食下面果間




半生牛肉飯 ,都好食,
但無我DAY 4去近江食果餐咁巧食
雖然佢千7 yen巧似平D。
食完飯起HARUKA同天王寺車站果邊行下街HEA左陣,


又到難波,但JR難波係垃圾,三日大阪三日難波

原文載於: 背包客棧自助旅行論壇 https://www.backpackers.com.tw/forum/showthread.php?t=10238793#post10885623



但我好似第一次日頭去道頓崛,例牌影張相。
行完難波已經成手十個袋都有,之後四點左右仲要去梅田
---
起梅田行左陣,但其實都無乜買野,隻手都斷咁濟。
由4萬YEN>得返1萬YEN


今程第次食松屋,E個漢堡扒好食,但食完好Q飽。
行左陣Yodobashi同紅色魔天輪果座BUILDING就走人。
--
返到新大阪車站,就用行下車站入面D手信鋪,
到E家都好後悔果日點解唔買HELLO KITTY 新幹線隻模型,




今程成日坐既HARUKA。


巧快就到關西機場,盡快寄倉先,重撚死D野。
起免稅店買左四箱朱古力薯片,最後張一萬YEN都破埋處了。




回程個飛機餐係勁好食 ,雞肉黎好似係。



坐到屎眼痛,又慢,好似坐左勁耐先返到,
次日凌晨二點到香港機場,以後打死不坐紅眼機,
仲要返到香港入完境無車返市區,等朝早機場快線頭班車返市區。
巧辛苦 ,仲要果日夜晚約左FD
--- Day 10 完 ---
--- 山陽關西廣島十日遊 完 ---
deepsea0929
客棧之光
#12
文章: 318
性別: 男生
感謝: 59次/56篇
註冊日期: 2009-07-19
舊 回覆: 山陽關西廣島十日 粵語遊記 [多圖] [歡迎提問] - 2019-02-13, 09:22
广东话,有看没有懂
aaq1234
背包客
#13
文章: 13
性別: 男生
感謝: 0次/0篇
註冊日期: 2015-07-27
舊 回覆: 山陽關西廣島十日 粵語遊記 [多圖] [歡迎提問] - 2019-02-13, 15:51
引用:
作者: deepsea0929 (原文章)
广东话,有看没有懂
中文差,唯有用廣東話
my97
客棧之光
#14
文章: 4,266
性別: 秘密
感謝: 2,116次/1,754篇
註冊日期: 2014-12-30
舊 回覆: 山陽關西廣島十日 粵語遊記 [多圖] [歡迎提問] - 2019-02-13, 16:02
引用:
作者: aaq1234 (原文章)
中文差,唯有用廣東話
這邊都是中文讀者居多,這樣以廣東話來分享有何意義?
1
spmoon spmoon 已通過手機驗證. 門號所屬國家:Hong Kong
客棧之光
#15
文章: 513
感謝: 155次/120篇
註冊日期: 2007-08-06
舊 回覆: 山陽關西廣島十日 粵語遊記 [多圖] [歡迎提問] - 2019-02-13, 18:31
日式城池內樓梯難爬,不是因為日本人矮,是因為防禦需要,易守難攻。
以下粵語:
座城起黎唔係用黎觀光架lol